سرجمیں پاکستان ءِ عیسائی کمیونٹی ءَ ایسٹر ءِ روچ گوں مذہبی عقیدت ءُ وشھالی ءَ برجم داشتگ

اسلام آباد۔5اپریل (اے پی پی): سرجمیں پاکستان ءِ عیسائی کمیونٹی ءَ یک شمبے ءِ روچ ءَ مذہبی عقیدت ءُ وشی ءِ گوما ایسٹر ءِ روچ منائینتگ۔ جی 7 سینٹر اسلام آباد ءِ دی فیلوشپ یونائیٹڈ پاکستان چرچ ءِ پادری اسٹیفن جان ءَ یک شمبے ءِ روچ ءَ اے پی پی ءَ گوں تران کنان ءَ گوشت کہ ایسٹر عیسائی آنی واستہ مستریں میلہ اِنت، پرچا کہ ایشی ءَ چہ آھاں یات کیت کہ ھرچ مشکل ءَ پد آسانی ءُ نوکیں بندات ءِ ھست اِنت۔ آئی ءَ گوشت کہ شمبے ءِ روچ ءَ بیگاہ 12بج ءَ چہ پیسر چرچ ھاسیں عبادت ءِ بندات کن اَنت۔ عیسائی کمیونٹی ءِ باسک خرم مسیح ءَ اے پی پی ءَ گوں تران کنان ءَ گْوشتگ کہ آ شپ ءِ یازدہ بج ءِ نزیک ءَ چرچ ءَ سر بوتگ ءُ تاں چار بج ءِ نزیک ءَ نماز ءُ عبادت ءَ گوں بندوک بوتگ ءُ اے وڑ ءَ سرجمیں شپ ءَ بیدار بوھگ ءِ روایت ءَ برجاہ داشتگ۔ آئی ءَ گوشت کہ عیسائی 40روچ ءَ روچگ دار اَنت، اے 46 روچ ءَ سرجم بیت چیا کہ یک شمبے ءِ روچ ءَ روچگ نہ بیت۔ پمیشکا ایسٹر صبر ءُ عقیدت ءَ پد انعام ءِ یک ساھتے ۔ ایسٹر ہر سال یک جتاہیں تاریخے ءَ منگ بیت پرچا کہ اے چاند ءِ کیلنڈر ءِ سرا بندوک اِنت۔ نیسیا ءِ اولی کونسل ءِ پیسلہ ءِ رد ءَ 21 مارچ ءَ پد اولی پورے ماہ ءِ پد ءَ یک شمبے ءِ روچ ءَ ایسٹر برجم دارگ بیت اے سال ءَ 2 اپریل ءَ پورے ماہ گندگ بوتگ کہ ایشی ءَ چہ 5 اپریل ءَ ایسٹر ءِ روچ جوڑ بوتگ۔ اے میلہ مقدس ہفتہ ءَ پد کیت کہ پام اتوار ءَ گوں بندات بیت ءُ ایسٹر اتوار ءَ آسر بیت۔ پام اتوار ءِ روچ ءَ یسوع مسیح ءِ بیت المقدس ءَ آیگ ءِ یات ءَ جمعہ ءِ وشیں روچ ءَ برجم دارگ بیت کہ اے سال ءِ 3 اپریل ءَ برجم دارگ بوتگ۔ آئی ءَ گوشت کہ ایسٹر ءِ یک شمبے ءِ روچ وشی ءِ روچ اِنت۔ پاکستان ءِ چرچاں ھاسیں نماز وانگ بوتگ کہ اودا مزنیں کساسے ءَ مردم مُچ بوتگ انت۔ پادری اسٹیفن جان ءَ گوشت کہ پاکستان ءَ نندوکیں عیسائی وتی مذھبی میلہ آنی تہ ءَ ھمے وشی ءِ جذبہ ءَ گوں برجم دار اَنت کہ وتی مسلمانیں برات آنی وڑ ءَ کن اَنت، چیا کہ دوئیں کمیونٹی یکجاہ زند گوازینگ ءَ اَنت ءُ وشی ءِ تہ ءَ بھر زور اَنت۔ آئی ءَ گوشت کہ پاکستان ءَ سوگات دیگ، سیاد ءُ وارس آنی گند ءُ نند ءُ ھاندان ءِ گوما وھد گوازینگ ھم پاکستان ءَ ایسٹر ءِ مراگش آنی بھر انت۔ ایسٹر دنیا ءِ تہا جتا جتائیں رنگ ءَ برجم دارگ بیت، ایشی ءِ تہا انڈے ءِ زیب ءُ زیبائی، تحفہ ءِ بدلی ءُ خاصیں مچی ھوار انت بلے امن، نوک کنگ ءُ مہربانی ءِ پیغام ہمے وڑا انت۔ اے درگت ءَ جھان ءِ دلگوش پوپ لیو XIV ءِ نیمگ ءَ ھم بوتگ کہ آئی ءَ ویٹیکن ءَ چہ وتی اولی ایسٹر ءِ پیغام داتگ کہ سرجمیں دگنیا ءَ لاکھوں مردماں چار اِتگ۔ مذہبی رہشوناں مردماں چہ لوٹ کتگ کہ آ ہم آہنگی، سگ ءُ اوپار ءُ شرپ ءِ دیمروئی ءِ اپیل کتگ۔