جیفری ایپسٹین ءَ امریکی جیڑھانی سر ءَ انیل امبانی ءِ رھشونی ءِ ھاترا وت ءَ وائٹ ھاوس ءِ یک ھاسیں مردمے ءِ بستار ءَ پیش داشتگ

اسلام آباد۔5اپریل (اے پی پی): سزا یافتہ مجرم جیفری ایپسٹین ءَ وت ءَ ڈونلڈ ٹرمپ ءِ وائٹ ہاؤس ءِ یک بااثریں اندری مردمے ءِ رنگ ءَ بھارتی تاجر انیل امبانی ءِ دیم ءَ پیش کتگ کہ آئی ءَ 2017 ءَ بھارت ءُ امریکہ ءِ دیمپانی کمک ءُ راجی سلامتی ءِ حکمت عملی ءِ بابت ءَ رہشونی لوٹ اتگ۔اے گپ نیویارک ٹائمز ءِ رپورٹ ءِ تہا پدر بوتگ۔ رپورٹ ءِ رد ءَ امبانی ءَ کہ رند ءَ مالی مشکلات ءِ آماچ بوتگ ات آئی ءَ وائٹ ہاؤس ءِ کارانی سرپد بوھگ ءِ ھاترا ایپسٹین ءَ چہ اندری ھال ءُ اھوال ءِ گرگ ءِ ھاترا ھاسیں دلگوشی پیش داشتگ ات۔ امریکی محکمہ انصاف ءِ نیمگ ءَ شنگ بوتگیں پیغاماں چہ اے گپ پدر بیت کہ ایپسٹین ءَ ٹرمپ انتظامیہ ءِ تہا تقرری ءُ درملکی پالیشی ءِ ھوالگ ءَ امبانی ءَ گوں زانتکاری شیئر کتگ۔ مارچ 2017 ءَ امبانی ءَ جست کت کہ ڈیوڈ پیٹریوس ءَ را ہندوستان ءَ امریکی سفیر ءِ بستار ءَ گچین کنگ بیت یا نہ۔ ایپسٹین ءَ پسو دات کہ من اے گپ ءَ سرپد باں ءُ پد ءَ گْوشت کہ پیٹریوس اے پجّار ءِ ھاترا ھیال ءُ لیکہ ءِ تہ ءَ نہ اِنت۔ اے عہدہ ءَ پد ءَ نومبر 2017 ءَ کینتھ آئی جسٹر ءَ را داتگ ات۔جولائی 2017 ءَ ایپسٹین ءَ امبانی ءَ را گشتگ ات کہ جان بولٹن لیفٹیننٹ جنرل ایچ آر میک ماسٹر ءِ جاہ ءَ راجی سلامتی ءِ مشیر ءِ بستار ءَ کار کنت۔ آئی ءَ گشتگ کہ میک ماسٹر دیراں اے پوزیشن ءَ نہ بیت ءُ بولٹن دیم ءَ انت۔ بولٹن ءَ بے شک ءَ ہشت ماہ ءِ نزیک ءَ اے پوزیشن زرتگ ات۔ ایپسٹین ءَ امبانی ءَ را ٹرمپ ءِ کمک کاراں چوشکہ اسٹیفن کے بینن ءُ تھامس جے بیرک ءَ گوں ھم آشنا کنگ ءِ پیشکش کتگ۔ دومی نیمگ ءَ امبانی ءَ وت ءَ نریندر مودی سرکار ءِ نزیکیں سنگتے ءِ رنگ ءَ پیش داشتگ ءُ یک جاہے ءَ گْوشتگ کہ سروکی ءَ جیرڈ کشنر ءُ بینن ءِ گوں گند ءُ نند ءِ بندوبست کنگ ءَ ایپسٹین ءَ کمک لوٹ اِتگ۔ اے پیغاماں چہ اے ھم گندگ بیت کہ ایپسٹین ءَ امبانی ءَ را ٹرمپ انتظامیہ ءِ گوما سیادی ءَ را گہتر کنگ ءِ ھاترا بھارت ءُ اسرائیل ءِ سیادی ءَ را کارمرز کنگ ءِ پنت ءُ شون کتگ۔ مودی ءِ اسرائیل ءُ ہندوستان ءِ تر ءُ تاب ءِ وھد ءَ دیمپانی ڈیل ءِ ھم جار جنگ بوتگ کہ ایشی ءِ تہ ءَ نزیک ءَ 2 ارب ڈالر ءِ زرّ ھوار بوتگ اَنت۔ انیل امبانی کہ مکیش امبانی ءِ کسانیں برات اِنت آئی ءِ مال ءُ مڈی 2007 ءَ چہ 45 ارب ڈالر ءِ نزیک ءَ 2019 ءَ 1.7 ارب ڈالر ءَ کپتگ اَنت۔آ 2019 ءَ تاں ایپسٹین ءِ گوں رابطہ ءَ بوتگ ءُ اے وھد ءَ ایپسٹین ءَ دوست ءِ بستار ءَ ھمدردی ءُ شور ءُ سلاہ داتگ۔ دوئیں 23 مئی 2019 ءَ نیویارک ءَ گند ءُ نند کتگ ات کہ اے روچ ءَ ہندوستان ءِ لس گچین کاری ءِ آسر بوتگ ات۔ پیغامات ءِ تہا سیاست ءُ مالیات ءِ مبہم حوالہ ءُ ہمے رنگ ءَ تفریح ​​ءُ میٹھی ءِ حوالہ ہم ھوار انت بلے آہانی سرجمیں تناظر ءِ سرا ہچ وڑیں زانتکاری نیست۔ ایپسٹین ءَ یک جاہے ءَ گوں مذاق ءَ سوج دات کہ یک دراجیں ءُ سنہرے سویڈن ءِ جنینے ءَ را سفیر جوڑ کنگ بہ بیت دانکہ اے تر ءُ تاب گیشتر دلچسپ بہ بیت ءُ امبانی ءَ اداکارہ یا ماڈل ءِ تہا آئی ءِ ترجیحات ءِ بابت ءَ ہم جست کت۔