بھارت یک نیمگی سندھ ءِ آپانی منوگری ءَ مھتل کنگ نہ کنت، محسن لغاری

اسلام آباد۔5اپریل (اے پی پی): پیسریگیں صوبائی وزیر آبپاشی پنجاب محسن لگاری ءَ سندھ ءِ آپانی معاہدے ءِ مھکمیں کانود ءُ ادارگی فریم ورک ءِ سر ءَ زور پر داتگ ءُ گوشت کہ بھارت یک نیمگی معاہدے ءَ را مھتل کنگ نہ کنت۔ ”اے پی پی“ ءَ گوں ھاسیں گپ ءُ تران ءِ تہ ءَ آپ ءِ پالیسی ءِ کارندہ ءُ اقوام متحدہ ءِ دیمروئی پروگرام ءِ پاکستان ءِ راجی حکومت داری پروگرام ءِ گوں ھمگرنچیں محسن لگاری ءَ سندھ ءِ آپانی منوگری ءَ را دگنیا ءِ سوبمندیں آپ ءِ بھر ءُ بانگ ءِ منوگری آنی تہ ءَ یکے لیک اِتگ ءُ اے گپ ءِ پدر کنگ ءَ کہ اے منوگری ءِ سر ءَ 1920 سال ءَ پیسر گپ ءُ تران بوتگ۔ لغاری ءَ اے گپ ءِ سر ءَ زور پر دات کہ کجام ھم ملک ءِ واستہ یک نیمگی چہ اے معاہدے ءَ درکپگ مشکل اِنت۔ آئی ءَ گیش گوشت کہ اے وڑیں ھرچ گامگیج ءَ چہ میاں اوستمانی ثالثی ءِ میکانزم ءِ کار بندات بیت۔ آئی ءَ اے درگت ءَ برجاھیں سفارتی کوشست آنی ضلورت ءِ سر ءَ زور پر دات ءُ گوشت کہ من وت اے جیڈھ ءَ را جتا جتائیں دیوان آنی تہ ءَ مدام چست کتگ۔ سندھ آپانی معاہدے ءِ ھوالگ ءَ جیڈھ آناں رد کنان ءَ محسن لغاری ءَ گوشت کہ جیڈھ آنی گیواری ءِ واستہ ترندیں سفارتی کوشست آنی ضلورت اِنت ءُ میاں اوستمانی براتی ءَ را بھارت ءِ ثالثی ٹربیونل ءِ بائیکاٹ ءِ بابت ءَ سرپدی دیگ بہ بیت۔ آئی ءَ اے گپ ءِ سر ءَ ھم زور پر دات کہ پاکستان وتی ریکارڈ ءِ مھکم کنگ ءِ واستہ وتی کانودی کاروائی ءَ برجاہ بہ دار ایت۔ آئی ءَ گیش گوشت کہ سفارتی کوشست آنی گوما پاکستان ءَ را وتی وسیلگ آنی تہ ءَ چہ دراتکگیں آپ ءِ بندوبست ءِ نظام ءَ را مھکم کنگ لوٹ ایت، وتی رکھینگ ءِ گامگیج آناں گہتر کنگ ءُ آپ ءِ پائیداریں ذخیرہ کنگ ءِ حکمت عملی ءَ را زورگ لوٹ ایت تانکہ آپ ءِ دراجیں مدت ءِ تابکاری ءَ را دل یکیمی کنگ بہ بیت۔ محسن لیغاری ءَ لوٹ کتگ کہ دائمی سندھ کمیشن ءِ دیوان ورلڈ بینک ءِ کمک ءَ پدا بندات کنگ بہ بنت ءُ سندھ ءِ آپانی معاہدے ءِ آرٹیکل XII ءِ رد ءَ معاہدے ءِ نوک کنگ ءِ ھاتر ءَ گپ ءُ تران برجاہ بہ بیت ءُ اے گپ ءَ را دل یکیمی کنگ بہ بیت کہ دوئیں ملک آنی آپی حق آنی رکھینگ ءِ ھاتر ءَ کانود ءِ یکوئی ءِ رضامندی ءِ وسیلگ ءَ کنگ بہ بیت ءُ اے گپ ءَ را دل یکیمی کنگ بہ بیت۔