ملک ءِ دیمروئی ءُ وشھالی ءِ تہا عیسائی کمیونٹی ءِ خدمت ستا کرز انت، سینیٹر روبینہ  خالد

اسلام آباد۔5اپریل (اے پی پی): چیئرپرسن بے نظیر انکم سپورٹ پروگرام ءِ سینیٹر روبینہ خالد ءَ ایسٹر ءِ روچ ءَ عیسائی کمیونٹی ءَ را دل ءِ جہلانکی ءَ چہ سلام پیش کتگ ءُ گوشت کہ ایسٹر مہر، قربانی ءُ اُمیت ءِ پیغام ءَ دنت۔ ایسٹر ءِ موہ ءَ بی آئی ایس پی ءِ نیمگ ءَ جاڑی بوتگیں بیان ءِ تہ ءَ سینیٹر روبینہ خالد ءَ گوشت کہ پاکستان ءَ ھمک مذھب ءِ منوگر آناں یک وڑیں ھک است انت۔ آئی ءَ گوشت کہ ملک ءِ دیمروئی ءُ وشھالی ءِ تہ عیسائی کمیونٹی ءِ ھزمت ستا کرز اَنت۔ سینیٹر روبینہ خالد ءَ گیش گوشت کہ وت مہ وتی احترام، برداشت ءُ یکوئی ءِ دیمروئی وھد ءِ ضلورت اِنت۔ آئی ءَ گوشت کہ بے نظیر انکم سپورٹ پروگرام ءِ وسیلگ ءَ مستحق آنی ھزمت ءَ را بے تبعیض ءَ برجاہ دارگ ءَ اِنت، اقلیت آنی ھک آنی رکھینگ حکومت ءِ اولی ترجی اِنت۔ آئی ءَ گوشت کہ ایسٹر مارا انسانیت، ھزمت ءُ براتی ءِ سبق ءَ دنت۔ سینیٹر روبینہ  خالد ءَ گوشت کہ پاکستان ءِ آئین ءَ درستیں شہری آناں مذہبی آجوئی ءِ ضمانت داتگ ءُ ملک ءَ امن، یکوئی ءُ دیمروئی ءِ واستہ ھرکس ءَ را یکجاہ کرد پیلو کنگ لوٹ ایت۔