صوبائی حکومت مہلوک ءَ را ریلیف ءِ پجارینگ ءُ منصفانہ قیمتانی ضمانت دیگ ءِ ھاتر ءَ یک موثر ءُ سختیں نگرانی ءِ نظام ءِ دیم ءَ آرگ ءَ انت، میر سرفراز بگٹی

کوئٹہ۔ 05 اپریل (اے پی پی): بلوچستان ءِ سر وزیر میر سرفراز بگٹی ءَ گشتگ صوبائی حکومت مہلوک ءَ را ریلیف پجارینگ ءُ پٹرولیم ءِ چیزانی منصفانہ بہا ءِ دل یکیمی کنگ ءِ ھاتر ءَ یک موثر ءُ سختیں نگرانی ءِ نظام ءِ بندات کنگ ءَ انت۔ اے درگت ءَ حکومت ءَ پٹرول ءِ نہاد آنی تہ ءَ برجائی ءِ واستہ ھاسیں گامگیج آنی بنگیج کتگ ءُ گیش ءَ چہ گیش نہاد آنی شکایت آناں زوت گیواری کنگ ءِ واستہ ھاسیں گامگیج آنی بنگیج کتگ۔ سوشل نیٹ ورکنگ سائٹ ایکس ءِ سر ءَ یک پیغام ءِ تہ ءَ بنجاھی وزیر ءَ گوشت کہ السی شکایت آنی درج کنگ ءُ آھانی ترندیں گیواری ءِ واستہ ھیلپ لائن 1129 جوڑ کنگ بوتگ، ایشی ءِ تہ ءَ شہری پٹرول ءِ سر ءَ گیش چارج کنگ یا ھرچ وڑیں کرپشن ءِ ھوالگ ءَ شکایت درج کنگ ءَ اَنت۔ آئی ءَ اے گپ ءِ پدرائی کت کہ اے ہیلپ لائن بنجاہی وزیر سیکرٹریٹ ءُ محکمہ داخلہ ءِ نگرانی ءَ کار کنت تانکہ شکایت آنی گیواری ءِ عمل ءَ را شفاف ءُ موثر جوڑ کنگ بہ بیت۔ آئی ءَ گوشت کہ حکومت شکایت آنی ترندیں گیواری ءِ واستہ استیں میکانزم ءَ را گیش فعال ءُ موثر جوڑ کنگ ءَ انت تانکہ الس ءَ را وھد ءِ سر ءَ ریلیف پجاری کنگ بہ بیت۔ ایشی ءِ گوما بلوچستان حکومت ءَ لس کمک ءِ ھاتر ءَ ٹارگٹڈ سبسڈی پروگرام ءِ چیر دستی ءَ ھم گامگیج بندات کتگ کہ ایشی ءِ مول ءُ مراد مستحقیں تبک ءَ را براہ راست نپ دیگ اِنت۔ بنجاھی وزیر میر سرفراز بگٹی ءَ ھشدار داتگ کہ پٹرول ءِ گرانیں نھاد یا ناجائزیں منافع ءِ تہ ءَ ھواریں عناصر آنی ھلاپ ءَ سکیں کانودی کارروائی کنگ بیت ءُ کس ءَ را رکّینگ نہ بیت۔ آئی ءَ گوشت کہ سرجمیں صوبگ ءَ ضلعی انتظامیہ متحرک کنگ بنت۔ بنجاھی وزیر ءَ وتی اے جزم ءِ سر ءَ زور پر دات کہ بلوچستان حکومت راجی مفاد ءِ رکھینگ، نھاد آنی مھکم کنگ ءُ شفافیں حکومت داری ءِ دیمروئی ءِ واستہ دستیابیں درستیں وسیلگ آناں کارمرد کنگ ءَ برجاہ دار ایت۔