اسلام آباد۔5اپریل (اے پی پی): مزن وزیر محمد شہباز شریف ءَ عیسائی برات ءَ را ایسٹر ءِ میلہ ءِ مبارک بات دیگ ءِ ساھت ءَ گوشت کہ زندمان ءِ ھمک پڑ ءَ عیسائی برات ءِ ارزشتی ایں ھزمت ستا کرز اَنت۔ اے روچ ءِ موہ ءَ مارا رواداری، یکے دومی ءِ احترام ءُ بین المذاہب ہم آہنگی ءِ دیمروئی ءِ وتی عزم ءِ دوبر پدر کنگی اِنت۔ یک شمبے ءِ روچ ءَ سوشل نیٹ ورک ویب سائٹ ’’ایکس‘‘ ءِ سر ءَ یک کلوہ ءِ تہ ءَ مزن وزیر ءَ گوشت کہ ایسٹر ءِ موہ ءَ پاکستان ءُ سرجمیں دگنیا ءَ نشتگیں عیسائی برات ءُ گھار آناں دل ءِ جہلانکی ءَ چہ سلام پیش کن آں ۔ حضرت عیسیٰ ءِ مقدسیں تعلیمات انگت ءَ پہ لاکھوں مردماں رژن ءِ چراگ انت کہ مارا یک انچیں چاگردے ءِ جوڑ کنگ ءِ ھاترا الہام دنت کہ چہ بدی ءَ آزات بہ بیت ءُ اودا گریب ءُ محرومیں طبقہ آں گوں شفقت ءُ مہربانی ءَ پیش دارگ بہ بیت۔ آئی ءَ گوشت کہ ما زند ءِ ھمک پڑ ءَ عیسائی کمیونٹی ءِ ھزمت آناں ھاسیں رنگ ءَ وانگ ءُ زانگ، جان سلامتی، چاگردی وشھالی ءُ سرکاری ھزمت ءِ پڑ ءَ سک باز ارزشت دئیں۔ اے روچ ءَ ما رواداری، یکے دومی ءِ احترام ءُ بین المذاہب ہم آہنگی ءِ دیمروئی ءِ وتی عزم ءَ را پدا پدر کنیں ءُ وتی مہروانیں ملک ءِ امن ءُ ایمنی ءِ ھاتر ءَ یکجائی ءَ کار کنگ ءَ ایں ۔ عیسائی کمیونٹی ءَ را وش ءُ امنیں ایسٹر ءِ روچ مبارک بات۔