پیپلز پارٹی ءِ بُن ھشت ایر کنوکیں شہید ذوالفقار علی بھٹو ءِ بیرانی ءِ روچ شمبے ءِ روچ ءَ دارگ بوت

اسلام آباد۔4اپریل  (اے پی پی): شمبے ءِ روچ ءَ پاکستان پیپلز پارٹی ءِ بنجاہی ءُ راج ءِ سروک شہید ذوالفقار علی بھٹو ءِ بیرانی ءِ روچ برجم دارگ بوتگ آئی ءَ یک مردمے ءَ چہ یک ووٹے ءَ چہ ملک ءَ را ایٹمی طاقت جوڑ کنگ ءَ بازیں کارنامہ سرجم کتگ۔ ذوالفقار علی بھٹو 5 جنوری 1928 ءَ لاڑکانہ ءَ ودی بوتگ۔ آئی ءِ پت سر شاہ نواز بھٹو بمبئی ءِ سرکار ءُ جوناگدھ ءِ ریاست ءِ دیوان ءِ مستریں مشیر بوتگ۔ ذوالفقار علی بھٹو راج ءِ راہشون ءُ آئین ءِ پِت ءِ نام ءَ ھم زانگ بیت۔ 1950 ءَ کیلیفورنیا ءِ برکلے یونیورسٹی ءَ چہ پولیٹیکل سائنس ءِ پڑ ءَ گریجویشن کتگ ءُ 1952 ءَ آکسفورڈ یونیورسٹی ءَ چہ قانون ءِ پڑ ءَ ماسٹرز ءِ ڈگری زرتگ ءُ لندن ءِ مڈل ٹیمپل ءَ چہ بار ءِ چکاس ھم پاس کتگ۔ ذوالفقار علی بھٹو ءَ 3 دسمبر 1967 ءَ پاکستان پیپلز پارٹی ءِ بُن ھشت ایر کت ذوالفقار علی بھٹو ءَ گوں پاکستان پیپلز پارٹی ءِ بُن ھشت ایر کنگ ءَ ملک ءِ سیاست ءُ اقتدار عام مردم ءِ دست ءَ دات۔ پاکستانی سیاست ءِ راجدپتر ابید آئی ءَ ناسرجم اِنت۔ ذوالفقار علی بھٹو ءِ سیاسی جہد سک دلگوش کرز انت ۔ آئی ءَ نہ ایوک ءَ وطن ءِ ھیالداری کتگ بلکیں آئی ءِ دفاع ھم مھکم کتگ۔ ذوالفقار علی بھٹو ءَ گوں چین ءَ دوستی ، مسلمانیں ملکانی یک بلاک ، ایٹمی طاقت ءُ یک مردمے ءُ یک ووٹ ءِ نظام ءِ بندات کت۔ دری پالیسی ءُ جھان ءِ افق ءِ بابت ءَ لھتیں پیسلہ آں راج ءِ سروک ءَ را دگنیا ءِ نامداریں سروکانی رند ءَ ایر کتگ۔ شہید ذوالفقار علی بھٹو یک کرشماتی شخصیت ءُ یک انچیں رہشونے ات کہ آئی ءَ مہلوک ءِ دلانی سرا حاکمی کتگ ات۔ ذوالفقار علی بھٹو ءِ سیاسی لیکہانی گوما اختلاف ءِ باوجود ملک ءِ سیاسی سروکی آئی ءِ کرد ءَ من ایت۔ گچین بوتگیں مزن وزیر ذوالفقار علی بھٹو 4 اپریل 1979 ءَ دار ءَ چگل دیگ بوتگ ات۔آئی ءِ بیرانی ءِ سالروچ ءِ درگت ءَ ملک ءِ سیاسی سروکی ءُ ھاسیں رنگ ءَ پاکستان پیپلز پارٹی ءَ آئی ءِ ھزمتانی اعتراف ءَ وشیں شگر ءُ منت پیش کتگ ات۔