وفاقی وزیر تجارت ءَ موسمیاتی بدلی ءِ ھاتر ءَ مزن وزیر ءِ کوآرڈینیٹر ءَ گوں گند ءُ نند کتگ

اسلام آباد۔4اپریل  (اے پی پی): وفاقی وزیر تجارت جام کمال خان ءَ فوڈ سپلائی چین ءُ چاگردی ھمگرنچی ءِ سر ءَ زور پر دات ءُ گوشت کہ پاکستان ءَ فوڈ سپلائی چین ءَ را مھکم کنگ ءَ چہ بے مٹیں اقتصادی چست ءُ ایر برجاہ بنت حکومت ءِ اولی کار انت۔ وزارت تجارت ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی مزن وزیر ءِ موسمی بدلی ءِ کوآرڈینیٹر رومینہ خورشید عالم ءَ گوں گند ءُ نند ءِ ساھت ءَ کت۔ جام کمال خان ءَ گوشت کہ پاکستان ءَ فوڈ سپلائی چین ءَ را مھکم کنگ ءَ چہ بے مٹیں اقتصادی چست ءُ ایر برجاہ بنت حکومت ءِ اولی کار انت۔ آئی ءَ توان ءِ رکھینگ ءُ رسد ءِ گہتریں ازمت آنی سر ءَ زور پر دات ءُ گوشت کہ سپلائی چین ءِ کارکردگی ءُ وردن ءِ دستیابی ءِ سر ءَ زوت دلگوشی دیگ ءِ ضلورت اِنت۔ ٹرانسپورٹ ءُ رسد ءِ گہتری ءَ چہ صنعتی پیداوار ءِ تہ ءَ گیشی کیت۔ وفاقی وزیر ءَ گیش گوشت کہ اے درگت ءَ جوانیں پالیسی آنی سر ءَ دلگوشی دیگ ءِ ضلورت اِنت ءُ محدودیں گامگیج آنی سر ءَ دلگوشی دیگ ءِ ضلورت اِنت۔ آئی ءَ ڈیجیٹل سپلائی چین ءُ متبادل ٹرانسپورٹ ءِ دیمروئی ءِ واستہ جزم ءِ درشان کت۔ جام کمال خان ءَ گوشت کہ وزارت تجارت ءُ موسمیاتی ادارگ آنی نیام ءَ یک ھمگرنچیں فریم ورک ءِ جوڑ کنگ بیت۔ گند ءُ نند ءِ ساھت ءَ مزن وزیر ءِ موسمیاتی بدلی ءِ کوآرڈینیٹر رومینہ خورشید عالم ءَ موسمیاتی سمارٹ زراعت ءُ وسیلگ آناں جوانیں رنگ ءَ کارمرد کنگ ءِ ارزشت ءِ سر ءَ زور پر دات ءُ گوشت کہ توان ءِ رکھینگ ءُ چاگردی گامگیج آنی تہ ءَ صنعتی دیمروئی ءَ را گیش کنگ بیت، صنعتی جیڑھ آنی گیواری ءِ کارکردگی ءَ را گہتر کنگ بیت۔ آئی ءَ گوشت کہ فوڈ سپلائی چین ءِ تہ ءَ چاگردی لچک ءِ دیمروئی حکومت ءِ اولی ترجی اِنت۔ رومینہ خورشید عالم ءَ گوشت کہ سرکاری ءُ جندی شوبگ ءِ کمک ءَ گوں ماحول دوستیں حل ءِ دیم ءَ آرگ بیت۔