شہید ذوالفقار علی بھٹو ءِ زبھریں طبقہ ءِ حقانی جہد لائک بے ھیال  نہ اَنت ، سینیٹ ءِ چیئرمین

اسلام آباد۔4اپریل  (اے پی پی): سینیٹ ءِ چیئرمین سید یوسف رضا گیلانی ءَ گوشت کہ شہید ذوالفقار علی بھٹو ءَ 1973 ءِ تپاکی ءِ آئین ءِ دیگ ءَ جمہوریت ءُ الس ءِ ھک آنی نوکیں رھشونی داتگ، الس ءَ را اقتدار ءِ وسیلگ جوڑ کتگ ءُ جمہوری قدر آناں دیم ءَ برتگ۔ چیئرمین سینیٹ سید یوسف رضا گیلانی ءَ پیسریگیں مزن وزیر شہید ذوالفقار علی بھٹو ءِ 47می بیرانی ءِ روچ ءِ درگت ءَ سینیٹ ءِ سیکرٹریٹ ءِ نیمگ ءَ جاڑی بوتگیں ھاسیں کلوہ ءِ تہ ءَ گوشت کہ شہید ذوالفقار علی بھٹو یک دور ساز ءُ راج دوستیں رہشونے بوتگ۔ آئی ئَ جمہوری ئُُ دفاعی بنیات مھکم کتگ اَنت۔ چیئرمین سینیٹ ءَ گوشت کہ شہید بھٹو ءَ 1973 ءِ اتفاق رائے ءِ آئین ءِ دیگ ءَ جمہوریت ءُ الس ءِ ھک آناں نوکیں رھشونی داتگ، الس ءَ را اقتدار ءِ وسیلگ جوڑ کتگ ءُ جمہوری ارزشت آناں دیمروئی داتگ۔ آئی ءَ گوشت کہ شہید بھٹو ءِ سروکی ءَ پاکستان وت واجہی ءُ دیمروئی ءِ کشک ءِ سر ءَ رھادگ بوتگ۔ سید یوسف رضا گیلانی ءَ گوشت کہ ایٹمی پروگرام ءِ بنیات ءِ ایر کنگ بھٹو شہید ءِ راجدپتری کامیابی انت ایشی ءَ چہ راجی ایمنی ءَ را مھکم کنگ بوت۔ آئی ءَ گوشت کہ بھٹو شہید ءِ دری پالیشی ءَ پاکستان ءَ را جھان ءِ پڑ ءَ شرپداریں جاہ داتگ۔ سینیٹ ءِ چیئرمین سید یوسف رضا گیلانی ءَ گوشت کہ ذوالفقار علی بھٹو شہید ءِ کشت ءُ کشاری، مزدور ءُ زبھریں تبک آنی ھک آنی واستہ جہد ءُ کوشست شموشگ نہ بیت۔ آئی ءَ گوشت کہ محترمہ بے نظیر بھٹو ءَ جمہوریت ءُ زالبول آنی ھک آنی واستہ راجدپتری کرد پیلو کتگ۔ سید یوسف رضا گیلانی ءَ گوشت کہ صدر ءِ مملکت آصف علی زرداری ءَ جمہوری روایات یکوئی کتگ انت ءُ پارلیمانی نظام ءَ را مہکم کتگ۔ آئی ءَ گوشت کہ بلاول بھٹو زرداری یک ورنا رہشون ءِ بستار ءَ جمہوری ارزشت آنی دیمروئی ءِ واستہ سرگرم انت۔ چیئرمین سینیٹ ءَ گوشت کہ جمہوریت ءِ واستہ پیپلز پارٹی ءِ قربانی ملک ءِ راجدپتر ءِ یک رژنائیں بابے، ءُ ذوالفقار علی بھٹو شہید ءِ ھیال آنی سر ءَ عمل کنگ یک مھکمیں، وشھالیں پاکستان ءِ زمانت اِنت۔