رسانکدر ءِ پلیٹ فارم حساسیں دمگی جاوراں راستیں زانتکاری ءِ واستہ ایوک ءَ سرکاری بیانانی سر ءَ تکیہ بہ کن اَنت، دری کارانی کارگس ءِ جارکش

اسلام آباد۔4اپریل  (اے پی پی): دری کارانی کارگس ءِ جارکش طاہر اندرابی ءَ گوشت کہ حساسیں دمگی جاور ھال آنی تہ ءَ سفارتکاری ءِ واستہ احتیاط ءُ ذمہ واری ءِ ضلورت اِنت، رسانکدر ءِ پلیٹ فارم آناں وتی ھساب ءَ احتیاط کنگ لوٹ ایت، قیاس آرائی آنی تہ ءَ چہ رکگ ءُ راستیں ءُ وھد ءِ سر ءَ شنگ بوتگیں ھال آنی واستہ ایوک ءَ سرکاری رنگ ءَ شنگ بوتگیں بیان آنی سر ءَ تکیہ کنگ لوٹ ایت۔ شمبے ءِ روچ ءَ دمگ ءَ برجاھیں جیڈھ ءِ ھوالگ ءَ دیمروئی آنی بابت ءَ میڈیا ءِ جُست آنی پسو ءَ دری کارانی کارگس ءِ جارکش ءَ گوشت کہ رسانکدر ءَ ھاسیں رنگ ءَ سوشل میڈیا ءِ سر ءَ شنگ بوھوکیں بازیں رپورٹ مئے دیم ءَ اتکگ اَنت ءُ برجاھیں جیڈھ ءُ پاکستان ءَ را امن ءِ دیمروئی ءِ ھوالگ ءَ مبینہ نام نہاد سرکاری وسیلگ آنی حوالہ داتگ۔ ترجمان ءَ گشتگ کہ ما اے بے بنیں ءُ من گھڑتیں دعویٰ آں کہ مبینہ سرکاری وسیلگاں گوں منسوب کنگ بوہگ ءَ انت آہاں گوں سدکی ءَ رد کنیں۔ اے درگت ءَ ھرچ وڑیں انتساب ءِ ھست نہ اِنت۔ جارکش ءَ گوشت کہ اے جیڈھ ءِ گپ اِنت کہ جمعہ ءِ روچ ءَ وزارت ءِ درئی کار ءَ بریفنگ ءِ تہ ءَ ردیں بیان کنگ بوتگ ءُ ھما جیڈھ آنی سر ءَ گپ ءُ تران کنگ بوتگ ءُ نہ کہ آھانی سر ءَ حوالہ دیگ بوتگ۔ اے حساسیں دمگی جاوراں سفارتکاری ءِ ھاتر ءَ احتیاط ءُ ذمہ واری ءِ ضلورت اِنت پمیشکا ما چہ درستیں رسانکدر ءِ پلیٹ فارماں دزبندی کنیں کہ آ وتی ھساب ءَ احتیاط بہ کن اَنت، قیاس آرائی ءَ چہ بہ رکّ اَنت ءُ راستیں ءُ وھد ءِ سر ءَ زانتکاری ءِ ھاتر ءَ ایوک ءَ سرکاری رنگ ءَ شنگ بوتگیں بیان ءُ رسانکدر ءِ ریڈ آؤٹ ءِ سر ءَ تکیہ بہ کن اَنت۔