وفاقی وزیر تجارت جام کمال خان ءَ امارات ءِ دری تجارت ءِ وزیر ثانی بن احمد الزیودی  ءِ لگوما یک ھاسیں ورچوئہ گند ءُ نند

اسلام آباد۔3اپریل (اے پی پی): وفاقی وزیر تجارت جام کمال خان ءَ امارات ءِ دری تجارت ءِ وزیر ثانی بن احمد الزیودی  ءِ لگوما یک ھاسیں ورچوئہ گند ءُ نند ءِ تہ ءَ دو نیمگی تجارتی سیادی ءَ را گیش دیمروئی دیگ ءِ وتی جزم ءِ پدا زور دات۔ گند ءُ نند ءَ پاکستان ءُ امارات ءِ نیام ءَ دیریں دوستی ءِ سیادی ءُ مھکمیں بیپاری شریکداری ءِ سر ءَ زور پر دات۔ دوئیں نیمگ ءَ تجارتی آسراتی آناں آسان کنگ، رسد ءِ ھمگرنچی ءَ را گہتر کنگ ءُ مارکیٹ ءِ رسائی ءَ را گیش کنگ ءِ واستہ یکجائی گامگیج آنی سر ءَ تپاک کنگ بوتگ۔ پاکستان ءُ امارات ءِ ورچوئل گند ءُ نند ءَ مزن وزیر ءِ کوآرڈینیٹر برائے کامرس رانا احسان افضل، سیکرٹری کامرس جواد پال ءُ وزارت ءِ مزن مزنیں کارندہ آں ھم بھر زوری کت۔ گند ءُ نند ءِ ساھت ءَ پٹرولیم پروڈکٹس، وردن ءُ وراک ءُ ایندگر ھاسیں تجارتی چیزاں ھوار جتاجتائیں شوبگ آنی تہ ءَ کمک ءَ را گیش کنگ ءِ امکان آنی سر ءَ چار ءُ تپاسی کنگ بوت۔ وفاقی وزیر برائے تجارت ءَ دبئی ءُ ابوظہبی ءَ امارات ءِ سفارتی ءُ نجی شعبہ ءِ کمک ءِ سر ءَ پاکستان ءِ منت واری ءِ درشانی کت ایشی ءِ تہ ءَ ڈی پی ورلڈ ءِ کمک ھم ھوار اِنت۔ اے موہ ءِ سر ءَ امارات ءِ دری تجارت ءِ وزیر ءَ پاکستان ءِ گوما وتی ملک ءِ مھکمیں جزم ءِ سر ءَ زور پر دات ءُ وت مہ وتی دلچسپی ، یکوئی ءُ اقتصادی کمک ءَ را گیش ءَ چہ گیش وسعت دیگ ءِ ارزشت ءِ سر ءَ زور پر دات۔ دوئیں نیمگاں اے گپ ءِ سر ءَ ھم تپاک کت کہ آیوکیں ھپتگ ءَ وتی وتی ٹیم آنی وسیلگ ءَ عملی ءُ رسد ءِ جیڈھ آنی سر ءَ گیش مشاورت کنگ بہ بیت تانکہ باہمی تجارتی موہ آناں جوانیں رنگ ءَ گیش کنگ بہ بیت۔ گند ءُ نند ءَ پاکستان ءُ امارات ءِ نیام ءَ اقتصادی کمک ءَ را مھکم کنگ، تجارتی آسراتی ءَ را گہتر کنگ ءُ دو نیمگی شریکداری ءَ را گیش گہتر کنگ ءِ واستہ یکجائی عہد ءِ دوبر پدر کنگ بوت۔