تاجکستان ءِ سفیر ءَ وفاقی وزیر کانود ءُ انصاف نذیر تارڑ ءَ گوں گند ءُ نند

اسلام آباد۔2اپریل  (اے پی پی): تاجکستان ءِ سفیر شریف زادہ یوسف توئر  ءَ وفاقی وزیر کانود ءُ انصاف نذیر تارڑ ءَ گوں گند ءُ نند کت، ایشی ءِ ساھت ءَ دوئیں ملک آنی نیام ءَ دو نیمگی سیادی آنی دیمروئی ءِ ھوالگ ءَ کانود ءُ عدالتی کمک ءِ ھوالگ ءَ سرجمیں گپ ءُ تران کنگ بوت۔ جارکش ءِ رد ءَ گند ءُ نند ءِ ساھت ءَ دوئیں نیمگ ءَ پاکستان ءُ تاجکستان ءِ نیام ءَ براتی سیادی ءُ سفارتی سیادی ءَ را گیش مھکم کنگ ءِ جزم ءِ درشان کتگ۔ دوئیں ملک آنی نیام ءَ قانونی کمک ءَ را رسمی کنگ ءِ واستہ یک مفاہمت نامہ ءِ سر ءَ ھیال ءُ لیکہ کنگ ءِ سر ءَ تپاک کتگ۔ اے موہ ءِ سر ءَ آھاں کانود ءِ ماہرین، جج ءُ ایندگر پیشہ ور آنی تبادلہ ءَ را گیش کنگ ءِ ضلورت ءِ سر ءَ ھم زور پر دات تانکہ تجربگ ءُ مہارت آنی یکوئی فائدگ ءِ ھاترا جھد کنگ بہ بیت۔ ایشی ءَ ابید سیم سر ءِ سرا جیڈھ آنی گیواری ءِ شوبگ آنی تہ ءَ میانجی داری، مصالحت ءُ گیواری ءِ شوبگ آنی تہ ءَ ھم کمک ءِ تہ ءَ گیشی ءِ سر ءَ ھم تپاک کنگ بیت۔ گپ ءُ تران ءِ تہ ءَ دو نیمگی سیادی آناں مھکم کنگ ءِ واستہ کانود اصلاحات، تربیتی پروگرام ءُ جوانیں کارروائی آناں تبادلہ ءِ سر ءَ زور دیگ بیت۔ وفاقی کانود ءِ وزیر نظیر تارڑ ءَ پاکستان ءُ تاجکستان ءِ نیام ءَ استیں کمک ءَ را گیش وسعت دیگ ءِ وتی عزم ءِ پدر کنگ ءَ گوشت کہ دوئیں ملک آنی نیام ءَ نزیکیں سیادی دمگی برجائی ءُ دیمروئی ءِ واستہ سک باز المی انت۔