مزن وزیر جنگی جاور ھال آنی سبب ءَ راجی یکوئی، تپاکی ءُ تپاکی ءُ روحانی برجائی ءِ ضلورت ءِ سر ءَ زور پر دنت، نوں اشرافیہ ءَ را قربانی دیگی بیت، وفاقی ءُ صوبائی تک ءَ کم ھاسیں منصوبگ آنی سر ءَ کار بند کنگی بیت، دیوان ءَ گوں تران

اسلام آباد۔2اپریل  (اے پی پی): مزن وزیر محمد شہباز شریف ءَ دمگ ءِ جنگی جاور ھال آنی سبب ءَ اقتصادی مشکلات آنی ذکر کنان ءَ راجی یکوئی، یکوئی ءُ تپاکی، روحانی برجائی ءِ ضلورت ءِ سر ءَ زور پر دات ءُ چیلنج ءَ گوں یکجاہ دیم پہ دیم بوھگ ءِ ضلورت ءِ سر ءَ زور پر دات ءُ گوشت کہ نوں اشرافیہ ءَ را ھاسیں قربانی دیگ لوٹ ایت۔ لس مردم ءِ رکھینگ ءِ ھیالداری کنگ بیت کنت، کفایت شعاری ءِ وسیلگ ءَ فنڈز جم کنگ لوٹ ایت، زرعی شعبہ، پبلک ءُ سامان ءِ ٹرانسپورٹ ءَ را رکّینگ لوٹیت دانکہ لس مردم مہنگائی ءَ چہ کم چہ کم متاثر بہ بیت، فیڈریشن ءَ تاں انوگ ءَ 129 ارب کلدار ءِ بار برداشت کتگ، پاکستان ءَ امن ءِ جہد کنگ ءَ انت۔ ءِ دمگ ءَ جوڑ کنگ بہ بیت۔ اے ھیالانی درشانی آئی ءَ پنچ شمبے ءِ روچ ءَ برجم داشتگیں دیوان ءَ دمگ ءِ استیں جاور ھال آنی ھوالگ ءَ گوں گشتانک دیان ءَ کت۔ اے موہ ءِ سر ءَ نائب مزن وزیر ءُ دری کارانی وزیر اسحاق در، فیلڈ مارشل سدو عاصم منری، وفاقی وزیر، چاریں صوبہ ءُ گلگت بلتستان ءِ سر وزیر، آزات کشمیر ءِ مزن وزیر، پاکستان پیپلز پارٹی ءِ چیئرمین بلاول بھٹو زرداری ھم ساڑی ات۔ مزن وزیر ءَ گوشت کہ پڑ ءِ جنگ وتی دومی ماہ ءِ تہ ءَ داخل بوتگ، مارا شھادت ءِ سر ءَ باز اپسوز اِنت، ما جتاجتاھیں وھد ءَ وتی دلپدردی کلوہ جاڑی کتگ، پاکستان ءَ یک مخلصیں دوست ءُ براتی ملک ءِ بستار ءَ پاکستان ءِ جنگ ءِ شعلہ آں سارت کنگ ءِ واستہ مزنیں کوشست کتگ۔ نائب مزن وزیر ءُ دری کارانی وزیر محمد اسحاق ڈار ءَ وتی ایرانی ھمکار ءُ دگہ ملکانی دری کارانی وزیراں گوں بازیں رند ءَ گپ ءُ تران کتگ۔ اے درگت ءَ آ سک باز محنت کنگ ءَ انت۔ آئی ءَ چین ءِ تر ءُ تاب کتگ، آئی ءِ دست ءَ ھم ٹپ بوتگ، بلے آئی ءَ اے گپ ءِ ھچ پرواہ نہ بوتگ۔ مزن وزیر ءَ گوشت کہ ہمے رنگ ءَ پاک اُرد ءِ سروک ءُ دفاعی اُرد ءِ سروک فیلڈ مارشل عاصم منیر ءِ ھم ھاسیں کرد پیلو کنگ ءَ انت۔ پاکستان ءَ پہ جنگ بندی ءِ ھاتر ءَ ھمک کوشست کتگ ءُ اے کوشست انگت برجاہ اَنت ۔ اللہ تعالیٰ ءِ فضل ءُ کرم ءَ اے درگت ءَ سوب مندی حاصل بیت۔ مزن وزیر ءَ گوشت کہ ایندگہ ملک آنی وڑ ءَ پاکستان ھم اے جنگ ءَ چہ سک باز تاوان دیگ بوھگ ءَ انت۔ اقتصادی دیمروئی ءِ واستہ ما درستاں گوستگیں دو سال آنی تہ ءَ یکجائی ءَ مزنیں کوشست کتگ ءُ پاکستان ءِ معیشت ءَ را ھاسیں تک ءَ مھکم کتگ۔ نوں دیمروئی ءُ وشھالی ءِ وھد اِنت بلے بدبھتی ءَ اے جنگ ءِ سوب ءَ مئے ملک بے دروریں اقتصادی مشکلانی آماچ اِنت۔ نائب مزن وزیر، وزیر ءِ درئی کار ءُ فیلڈ مارشل ءِ کوشست ءَ مئے دو جہاز آبنائے ہرمز ءَ چہ گوستگ انت۔ آبنائے ہرمز ءَ چہ پاکستانی پرچم ءِ سرا 20 گیش جہاز گوزگ ءِ بندوبست کنگ بوتگ۔ من ھم آیوکیں روچاں اے درگت ءَ پیشرفت کناں۔ مزن وزیر ءَ گوشت کہ وھدیکہ جنگ ءِ ھترہ دیم ءَ اتکگ ات گڈا من جتاجتائیں دیوان کتگ ات ءُ مئے ٹیم ءَ چاریں صوبہ آنی سر وزیر آں گوں گند ءُ نند کتگ ات ءُ سرجمیں جاور ھال آناں سرپد کتگ ات۔ اولی ہفتگ ءَ مارا پٹرولیم ءِ چیزانی نرخاں 1000 کلدار گیش کنگی بوتگ۔ 55 فی لیٹر ءِ سرا انت۔ اے پہ پاکستان ءِ محنتی کشار، مزدور ءُ دکانداراں مزنیں معاشی بارے ات بلے آ اے بار ءَ سوبین بوت انت۔ ما گوں اجتماعی ءُ زبردستیں کوشستاں وھد ءِ سر ءَ جاوراں سرپد بوتیں ءُ گامگیج چست کت۔ مئے کابینہ ءِ باسکاں وتی دو ماہ ءِ پگار زورگ ءَ چہ انکار کت۔ تیل ءِ کارمرز کنگ ءَ 50 درسد کمی بوتگ۔ پارلیمنٹ ءِ باسک آں ہم ایشی ءِ تہا وتی کرد پیلو کتگ۔ تیل ءِ بچت ءِ ھاترا 60 درسد گاڑی بند کنگ بوتگ انت۔ اے درگت ءَ ما پاکستان پیپلز پارٹی ءِ چئیرمین بلاول بھٹو زرداری ءِ ھم منت وار ایں کہ آئی ءَ اے ملسلہ ءَ حاصیں دلگوش داتگ۔ ما آئی ءَ را جیڑہانی بابت ءَ سرپدی داتگ ات۔ ما ریاست ءِ صدر ءِ ھم منت وار ایں کہ آئی ءَ دیوان گوانک جتگ ءُ جوانیں چاگرد ءَ جیڈھ آنی سر ءَ گپ ءُ تران کتگ۔ مزن وزیر ءَ گوشت کہ وفاقی حکومت ءَ گوستگیں سئے ھپتگ آنی تہ ءَ 129ارب کلدار داتگ، پی ایس ڈی پی ءِ تہ ءَ 100ارب کلدار کٹگ بوتگ، ایشی ءِ تہ ءَ درستیں ھرچ فیڈریشن ءِ سر ءَ بوتگ۔ مزن وزیر ءَ گوشت کہ وھد اتکگ کہ درست یکجائی ءَ کمک بہ کن اَنت، من صدر ءِ کارگس ءَ برجم داشتگیں دیوان ءَ سرجمیں سر وزیر آنی منت ءَ گِراں، من صدر ءِ مملکت بلاول بھٹو زرداری، سر وزیر ءُ پارلیمنٹ ءِ باسک آنی کرد ءَ را ستا کن آں پرچا کہ کفایت شعاری ءِ مہم ءِ تہ ءَ کفایت شعاری ءِ مہم ءِ تہ ءَ اے مزنیں رضامندی اِنت۔ اے، ہچ راج چوشیں مزنیں چیلنج ءِ دیمپان نہ بیت۔ مزن وزیر ءَ گوشت کہ مارا لس مردم ءُ گریب آنی رکھینگی انت، اشرافیہ ءَ را بے وس ءُ ندر کنگ ءِ درشانی کنگی انت۔ مزن وزیر ءَ گوشت کہ ھما منصوبگ آنی سر ءَ ما وفاقی ءُ صوبائی تک ءَ کار ءِ بند کنگ ءَ را بند کنگ بہ بیت ءُ فنڈز ءِ بچائینگ بہ بیت ءُ لس مردم ءُ گریب آنی رکھینگ ءِ سر ءَ ھرچ کنگ بہ بیت۔ مزن وزیر ءَ گوشت کہ اقتصادی برجائی ایوک ءَ سیاسی برجائی ءِ گوما ممکن اِنت، اے وھد ءَ گیش ءَ چہ گیش دلگوشی نزوریں تبک ءِ رکھینگ ءِ سر ءَ دیگ لوٹ اِیت ءُ ھمے رنگ ءَ کشت ءُ کشاری شوبگ ءِ سر ءَ ھم دیگ لوٹ اِیت، گندم ءِ کٹائی ءِ کار بندات بوھگ ءِ نزیک ءَ اِنت، ایشی ءِ واستہ ڈیزل ءُ پٹرول ءِ ضلورت اِنت، ٹرانسپورٹ ءِ واستہ ڈیزل ءِ ھم ضلورت بیت، پبلک افراط زر ءِ ھم ضلورت بیت۔ بچت کنگ بوتگ کہ لس مردم بار ءَ مہ زوریت، ایشی ءِ ھاتر ءَ زرّاں یکجاہ ءُ کفایت شعاری ءِ وسیلہ ءَ جم کنگ لوٹیت۔