کرپشن ءِ ھلاسی ءُ شفافیت ءِ دیمروئی ءِ جہد جہانی ایجنڈا ، پائیدار دیمروئی ءِ مول ءُ مراد ءِ رد ءَ انت، چیئرمین سینیٹ

اسلام آباد۔2اپریل  (اے پی پی): سینیٹ ءِ چیئرمین سید یوسف رضا گیلانی ءَ گوشت کہ کرپشن ءِ ھلاسی ءُ شفافیت ءِ دیمروئی ءِ کوشست جھان ءِ ایجنڈا ءِ رد ءَ انت ھاسیں رنگ ءَ اقوام متحدہ ءِ 2030ءِ پائیدار دیمروئی ءِ مول ءُ مراد کہ مھکمیں ادارگ آنی جوڑ کنگ ءُ کرپشن ءِ تہ ءَ کمی ءِ واستہ المی انت۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینیٹ ءَ اے ھیالانی درشانی نیشنل اکاؤنٹیبلٹی بیورو ءِ چیئرمین لیفٹیننٹ جنرل (ریٹائرڈ) نظیر احمد ءَ گوں پارلیمنٹ گس اسلام آباد ءَ گند ءُ نند ءِ ساھت ءَ کتگ اَنت۔ سید یوسف رضا گیلانی ءَ راجی احتساب بیورو ءِ کلیدی کرد ءَ را پدر کنان ءَ ملک ءَ شفاف حکومت داری ءُ راجی وشھالی ءِ دیمروئی ءِ تہ ءَ آئی ءِ کرد ءَ را ساڑات۔ آئی ءَ بیورو ءِ کرپشن ءِ ھلاپ ءَ جوانیں گامگیج چست کنگ، شفافیت ءِ دیمروئی ءُ احتساب ءِ نظام ءَ را مھکم کنگ ءِ واستہ برجاھیں کوشست آنی توسیپ کت۔ سید یوسف رضا گیلانی ءَ گوشت کہ مزن وزیر، اسپیکر قومی اسمبلی ءُ نوں چیئرمین سینیٹ ءِ بستار ءَ آئی ءَ مُدام شفافیت ءُ احتساب ءِ اصول آنی سر ءَ حمایت کتگ۔ آئی ءَ گوشت کہ اے ایوک ءَ انتظامی اصطلاح نہ انت بلکینگ ءَ گڈ گورننس ءِ بنیاتی کنٹگ انت۔ آئی ءَ نیب ءِ سالانہ رپورٹ 2025 ءَ را سک باز ھاسیں دستاویز لیک اتگ ءُ گوشت کہ اے رپورٹ ءَ ادارگ ءِ کارکردگی ءُ حکمت عملی ءِ ھوالگ ءَ سرجمیں رہشونی داتگ۔ آئی ءَ اے گپ ءِ سر ءَ ھم دلگوش گور کت کہ پاکستان ءِ سینیٹ ھم وتی سالانہ رپورٹ ءَ جاری کنت، ایشی ءِ تہ ءَ شفافیت ءُ احتساب ءِ یکجائی عزم ءِ درشان کنگ بیت ءُ ادارگی کارکردگی ءِ بابت ءَ الس ءَ را سرپد کنگ بیت۔ نیب ءِ سالانہ رپورٹ 2025 ءِ ھاسیں نکات آنی حوالہ ءَ چیئرمین سینیٹ ءَ 6 کھرب کلدار ءَ چہ گیش ءِ راجدپتری ریکوری ءِ توسیپ کت کہ اے 1999ءَ ادارگ ءِ جوڑ بوھگ ءَ پد سالانہ ریکوری ءِ مزنیں ریکوری اِنت۔ فنڈز۔ آئی ءَ رپورٹ ءِ تہ ءَ مالیاتی ریکوری ءَ را ادارگی اصلاحات، ڈیجیٹل نوآبادیاتی ءُ الس دوستیں گامگیج آنی گوما یکجا کنگ ءِ عمل ءَ را ساڑات ءُ ایشی ءَ را دور اندیشیں حکمت عملی لیک ات، کہ کرپشن ءَ چہ پاک پاکستان ءِ وژن ءِ گوما ھمگرنچ اِنت ءُ الس ءِ بھروسہ ءَ را گیش مھکم کنت۔ چیئرمین سینیٹ ءَ اے جزم ءِ یک رندے پدا گوشت کہ کرپشن ءِ ھلاسی ءُ احتساب ءِ دیمروئی ءِ واستہ نیب ءِ برجاھیں کوشست پاکستان ءِ دیمروئی ءُ برجائی ءِ واستہ المی انت۔ آئی ءَ دل یکیمی داتگ کہ ایوان ءِ بالا اے ھاسیں راجی مشن ءِ تہ ءَ نیب ءِ گوما سرجمی ءَ کمک برجاہ بیت۔ ادارگ آنی نیام ءَ جوانیں کمک ءِ ارزشت ءِ سر ءَ زور پر دیان ءَ آئی ءَ گوشت کہ مھکمیں حکومت داری ءُ الس آناں انصاف ءِ پھجاری ءِ واستہ یکجائی کوشست ناگزیر انت۔ آئی ءَ اے امیت ھم سہرا کت کہ آیوکیں وھد ءَ سینیٹ ءُ نیب ءِ نیام ءَ کمک گیش دیمروئی کنت ءُ چیئرمین نیب ھمے جزبگ ءُ لگن ءِ گوما وتی ذمہ واری آنی پیلو کنگ ءَ برجاہ دار ایت ھاسیں رنگ ءَ کرپشن ءِ ھلاسی ءُ بے رھبندی آنی گیواری ءِ واستہ۔ سید یوسف رضا گیلانی ءَ ھم چیئرمین نیب ءِ واستہ نوکیں واھشتانی درشان کت ءُ امیت کت کہ آ پاکستان ءَ احتساب ءِ عمل ءَ را گیش گہتر کنت ۔ چیئرمین نیب ءَ سید یوسف رضا گیلانی ءِ ھیالانی سر ءَ تپاک کنان ءَ گوشت کہ پاکستان ءَ شفافیت ءِ دیمروئی ءُ پاکستان ءِ توامیں ادارگ آناں کرپشن ءَ چہ پاک کنگ ءِ واستہ ھمک ممکنیں گامگیج چست کنگ بیت۔ اے موہ ءِ سر ءَ سینیٹ ءِ مالیات ءِ قائمہ کمیٹی ءِ چیئرمین سینیٹر سلیم مانڈوی والا  ءُ  سینیٹ  ءِ  فنکشنل کمیٹی برائے انسانی حقوق  ءِ  چیئرپرسن سینیٹر ثمینہ ممتاز زہری  ھم ھوار اتنت۔