خیبر پختونخوا ءِ یونیورسٹی آنی نودربر آنی واستہ آئی ایس پی آر ءِ زمستانی انٹرنشپ پروگرام برجاہ اِنت

اسلام آباد۔2اپریل  (اے پی پی): خیبر پختونخوا ءِ جتا جتائیں یونیورسٹی آنی نودربر آنی واستہ آئی ایس پی آر ءِ زمستانی انٹرنشپ پروگرام جاری اِنت۔ آئی ایس پی آر ءِ زمستانی انٹرنشپ ءِ چیر دستی ءَ خیبر پختونخوا ءِ جتا جتائیں یونیورسٹی آنی نودربراں پاکستان ملٹری اکیڈمی کاکول ءِ تر ءُ تاب کتگ۔ نودربر آناں پی ایم اے ءَ جاری پیشہ وارانہ فوجی تربیت، نظم و ضبط ءُ قیادت ءِ دیمروئی ءِ عمل ءِ بابت ءَ سرجمیں بریفنگ دیگ بوتگ۔ نودربر آناں راجی دفاع ءِ تہ ءَ پاک اُرد ءِ کرد، راجدپتر ءُ پیشہ وارانہ ذمہ واری آنی بابت ءَ سرپد کنگ بوت۔ شریکیں مردماں کیڈٹ آنی مزنیں تک ءِ تربیت، نظم ءُ ضبط ءُ راج دوستی ءَ را ساڑاتگ ءُ پاکستانی سلاھبند ءِ قربانی آناں شگر ءُ منت گپتگ۔ اے موہ ءِ سر ءَ نودربراں گوشت کہ کیڈٹ آنی مزنیں حوصلہ ءَ گندگ ءَ پد پاکستان آرمی ءِ سر ءَ آھانی ایمان گیش بوت کہ پاکستان ءَ کس منفی چماں گوں چارت نہ کنت۔ پاکستان ملٹری اکیڈمی ءِ سکیں ڈسپلن ءُ مشکلیں جاور آنی تہ ءَ تربیت ءِ سبب ءَ نودربر آنی تہ ءَ ھمت ءُ جزم ءِ ودی کنگ بیت۔ شریکیں مردماں پاک اُرد ءِ سر ءَ سرجمیں دل یکیمی ءِ درشان کت وھدیکہ راجی دیمروئی ءِ تہ وتی کرد ءَ پیلو کنگ ءِ واستہ وتی جزم ءِ ھم پدر کت۔