نائب مزن وزیر ءُ دری کارانی وزیر اسحاق ڈار ءَ گوں مصر ءِ دری کارانی وزیر ءَ فون ءِ سر ءَ گپ ءُ تران کتگ ، نزیکیں رابطہ ءِ برجم دارگ ءِ سر ءَ تپاک کتگ

اسلام آباد۔2اپریل  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوستگیں شپ ءَ مصر ءِ درئی کارانی وزیر بدر عبدالعتی ءَ گوں فون ءِ سر ءَ گپ ءُ تران کتگ۔ پنچ شمبے ءِ روچ ءَ دری کارانی کارگس ءِ نیمگ ءَ چہ جاڑی بوتگیں بیان ءِ رد ءَ مصر ءِ درئی کارانی وزیر عبدالعتی ءَ اسلام آباد ءَ گوستگیں چار ملکی دری کارانی دیوان ءِ ساھت ءَ گرمیں مہمانداری ءِ سر ءَ نائب مزن وزیر ءِ منت گپتگ۔ آئی ءَ پاکستان ءُ چین ءِ پنچ نکاتی گامگیج ءِ ھم ساڑات کہ ایشی ءِ مول ءُ مراد گپ ءُ تران ءِ دیمروئی ءُ جیڈھ ءِ گیواری ءِ راہ پچ کنگ اِنت۔ دوئیں راہشون آں پاکستان ءُ مصر ءِ نیام ءَ مھکمیں براتی سیادی ءِ پدرائی کت ءُ نزیکیں رابطہ ءِ برجا بوھگ ءِ سر ءَ تپاک کت۔