بے نظیر انکم سپورٹ پروگرام ءَ چہ ورلڈ ہیلتھ آرگنائزیشن، ورلڈ فوڈ پروگرام ءُ یونیسیف ءِ گوما ھمکاری کنگ ءِ سر ءَ تپاک کتگ تانکہ چہ ایشی ءَ فائدہ مند آناں جوانیں آسراتی دیگ بہ بیت

اسلام آباد۔1اپریل (اے پی پی): چیئرپرسن بے نظیر انکم سپورٹ پروگرام ءِ سینیٹر روبینا خالد ءُ سیکرٹری بی آئی ایس پی عامر علی احمد ءَ جہانی جان سلامتی ءِ گل، جہانی وردن ءِ پروگرام ءُ اقوام متحدہ ءِ چائلڈ فنڈ یونیسیف ءِ نمائندگ آنی گوما گند ءُ نند کت۔ گند ءُ نند ءَ بی آئی ایس پی ءِ سیت مند آنی گہبود ءُ موثر سروس ڈیلیوری ءِ واستہ وت مہ وتی کمک ءُ شریکداری ءَ را مھکم کنگ ءِ سر ءَ ھیال ریچی کنگ بوت۔ گند ءُ نند ءَ کم ھرچ ءُ درچ ءِ ٹیکنالوجی ءِ کارمرد کنگ، شفافیت ءِ تہ ءَ گیشی ءُ مستحقیں زالبول ءُ آوانی کھول آنی واستہ مہارت ءِ دیمروئی ءِ واستہ یکجائی موہ آنی شوھازگ ءِ سر ءَ ھم گپ ءُ تران کنگ بوتگ۔ ایشی ءِ گوما رپورٹنگ، نگرانی، رائے ءِ نظام ءُ سرپدی ءِ مہم آناں مھکم کنگ ءِ سر ءَ زور دیگ بوت تانکہ پروگرام ءِ کارکردگی ءَ را گہتر کنگ بہ بیت ءُ آسراتی آناں جوانیں رنگ ءَ چہ زیان مندیں مردم آناں سر بہ بنت۔ چیئرپرسن بی آئی ایس پی ءِ سینیٹر روبینہ خالد ءَ گوشت کہ جان سلامتی ءُ وانگ ءُ زانگ ءِ شوبگ ءَ یکجائی ءُ یکجائی کوشست سک باز المی انت۔ اے چہ معاشی لحاظ ءَ کمزوریں ھانداناں گیشتر جوانیں اثرے کشّ اِت کنت۔ آئی ءَ گوشت کہ دیمروئی ادارگ آنی گوما مھکمیں شریکداری ءَ چہ مستحقیں ھاندان آناں ازمت آنی پھجاری ءَ را گیش گہتر کنگ بیت۔ گند ءُ نند ءَ پاکستان ءَ ڈبلیو ایچ او ءِ سروک ڈاکٹر لو ڈیپنگ، یونیسیف ءِ نمائندہ پارنیل آئرن سائیڈ، ورلڈ فوڈ پروگرام پاکستان ءِ ڈپٹی کنٹری ڈائریکٹر لنڈیٹا بارے ءُ بی آئی ایس پی ءِ مزنیں افسر آنی بھر زوری بوتگ۔ توسعہ ءِ شریک آنی نمائندگاں بی آئی ایس پی ءِ گوما سرجمیں کمک ءِ برجاہ دارگ ءِ یقین دہانی کتگ۔ اے گپ ءِ سر ءَ ھم تپاک کت کہ زوت عملی تجویز پیش کنگ بنت تانکہ کمک ءَ را گیش وسعت دیگ بہ بیت ءُ فائدہ مند آناں جوانیں آسراتی پجارینگ بہ بیت۔