پاکستان ءَ اے سی اے آئی ءِ بندات، 100 یونیورسٹی آنی تہ ءَ 6000 نودربر آناں اے آئی ءِ تربیت دیگ ءِ واستہ تپاک نامہ ءِ سر ءَ دستخط کنگ بوت

اسلام آباد۔1اپریل (اے پی پی): مزن وزیر ورنا پروگرام، راجی پیشہ وارانہ ءُ تکنیکی تربیت کمیشن، ہائیر ایجوکیشن کمیشن ءُ اے آئی اسکل برج ءَ یک تپاک نامہ ءِ سر ءَ دستخط کتگ کہ ایشی ءِ تہ ءَ یک تپاک نامہ ءِ سر ءَ دستخط کنگ بوتگ کہ ایشی ءِ تہ ءَ راجی نجی شریکداری ءِ چیر دستی ءَ  6000 نودربر آناں آرٹیفیشل انٹیلی جنس ءِ تربیت دیگ بیت۔ چار شمبے ءِ روچ ءَ مزن وزیر ورنا پروگرام ءِ نیمگ ءَ جاڑی بوتگیں بیان ءِ رد ءَ پاکستان ءِ ڈیجیٹل آیوکیں وھد ءِ نیمگ ءَ یک ھاسیں ءُ فیصلہ کنوکیں گامگیج ءِ رد ءَ مزن وزیر ورنا پروگرام ءِ چیئرمین رانا مشہود احمد خان ءِ سروکی ءَ مزن وزیر کارگس ءَ دیوان برجم دارگ بوت۔ گند ءُ نند ءِ ساھت ءَ ایکٹ اے آئی ءِ گامگیج — مصنوعی ذہانت ءِ واستہ سرپدی، صلاحیت ءُ ٹولز ٹریننگ ءِ بندات کنگ ءِ واستہ یک تپاک نامہ ءِ سر ءَ دستخط کنگ بوتگ۔ تپاک نامہ ءِ رد ءَ مزن وزیر ءِ ورنا پروگرام، راجی پیشہ وارانہ ءُ تکنیکی تربیت کمیشن، ہائیر ایجوکیشن کمیشن ءُ اے آئی اسکل برج (ایکسی ٹیکنالوجی ءِ ماتیں کمپنی) یکجائی ءَ پاکستان ءِ مصنوعی ذہانت ءِ وانگ ءُ زانگ ءُ مہارت آنی تہ ءَ دیمروئی ءِ واستہ راجی یکجاھیں سرکاری ءُ نجی شراکت داری جوڑ کنگ ءَ اَنت۔ اے معاہدے ءِ تہا اے سی اے آئی ءَ را پاکستان ءِ اولی راجی یکجاھیں، یونیورسٹی ءِ تک ءِ اے آئی اسکلز پروگرام ءِ رنگ ءَ نامینتگ، ایشی ءِ مول ءُ مراد ورنا آناں جہانی ڈیجیٹل معیشت ءِ لوٹ آنی رد ءَ جدید ترین مہارت آنی گوما لیس کنگ اِنت۔ اے شریکداری ءِ چیر دستی ءَ سرجمیں ملک ءَ نزیک ءَ 100 یونیورسٹی آنی تہ ءَ 6ہزار نودربر آناں تربیت دیگ بیت ایشی ءِ تہ ءَ چاریں صوبگ آزاد کشمیر ءُ گلگت بلتستان ءِ وانگ ءُ زانگ ءِ ادارگ ھوار بنت۔ اے موہ ءِ سر ءَ چیئرمین مزن وزیر ءِ ورنا پروگرام ءَ گوشت کہ پاکستان ءِ ورنا مئے مستریں سرمایہ اَنت ءُ مصنوعی ذہانت آیوکیں مہارت ءُ جھان ءِ مقابلہ ءِ پڑ اِنت۔ اے سی اے آئی ءِ وسیلگ ءَ ما ایوک ءَ اے آئی ءِ وانگ ءُ زانگ ءِ بندات کنگ ءَ نہ ایں بلکیں یک راجی ٹیلنٹ پائپ لائن ءِ جوڑ کنگ ءَ ایں کہ ایشی ءَ چہ مئے نودربر آناں جھان ءِ تک ءَ مقابلہ کنگ ، بنجاہی تک ءَ نوکیں چیز جوڑ کنگ ءُ پاکستان ءِ ڈیجیٹل معیشت ءِ تہ ءَ موثر کرد پیلو کنگ ءِ اہل جوڑ کنت۔ اے منصوبگ مزن وزیر ءِ وژن ءِ درشان اِنت کہ ورنا آناں آیوکیں مہارت آنی گوما بااختیار کنگ بہ بیت ءُ اے گپ ءَ را دل یکیمی کنگ بہ بیت کہ ہر صوبہ ءُ دمگ ءَ را چارمی صنعتی انقلاب ءِ موہ آناں یک پیم ءَ نپ چست کنگ بہ بیت۔ اے پروگرام اے آئی اسکل برج ءِ نیمگ ءَ چہ سرجم کنگ بیت، وھدے کہ ایکس آئی ٹیکنالوجیز ایشی ءِ کمک ءَ کنت ءُ نصاب ءِ دیمروئی، تربیت ءِ ترسیل، ڈیجیٹل انفراسٹرکچر، نودربر ڈیٹا مینجمنٹ، ءُ راجی ہم آہنگی ءَ ھوار درستیں پڑ آنی نگرانی ءَ کنت۔ ACTAI ہشت ہفتہ ءِ جامع، عملی، ءُ صلاحیت ءِ سرا مبنی پروگرام انت کہ ایشی ءِ تہا جنریٹو اے آئی، ایجنٹ اے آئی، اے آئی سسٹم، آٹومیشن، ءُ اے آئی ءِ جتا جتائیں شعبہ آں عملی ایپلی کیشنز ءِ حوالہ ءَ مہارت ءِ احاطہ کنگ بیت۔ اے تربیت ایچ ای سی ءِ اسمارٹ کلاس روم نیٹ ورک ءِ وسیلگ ءَ اسلام آباد ءَ چہ لائیو سیشن ءِ رنگ ءَ سرجمیں ملک ءِ یونیورسٹی آناں یک وڑیں کوالٹی ءِ گوما سر کنگ بیت۔ اے پروگرام ءِ تہ ءَ چار بنیاتی ستون ھوار اَنت کہ آھانی تہ ءَ مصنوعی ذہانت ءِ بُن ھشت، جتا جتائیں شوبگ آنی تہ ءَ مصنوعی ذہانت ءِ کارمردی، اقتصادی آجوئی ءِ واستہ مصنوعی ذہانت، آیوکیں وھد ءِ مصنوعی ذہانت ءُ راجی تیاری ھوار اَنت۔ ایشی ءِ مول ءُ مراد اے آئی ءَ گوں سیادی داروکیں نوکری، فری لانسنگ، کاروباری ءُ گلوبل ڈیجیٹل مارکیٹ ءَ موثر کرد پیلو کنگ ءِ واستہ ورنا آناں تیار کنگ اِنت۔ اے تربیت سرجم ءَ چہ ھرچ ءُ درچ ءَ چہ ھلاس بیت ءُ ھوار کنگ ءَ را دل یکیمی کنگ ءِ ھاترا 50/50 صنفی تناسب ءَ را اولیت دیگ بیت وھدے کہ کمپیوٹر سائنس ءَ ابید دگہ وانگ ءُ زانگ ءِ پسماندہ ءِ واھندیں نودربر ھم اے پروگرام ءَ ھوار کنگ بنت۔ شراکت داری ءِ چیر دستی ءَ نیو ٹیک منصوبگ ءِ راجی توثیق ءُ وفاقی مہارت ءِ دیمروئی ءِ اولویت آنی گوما یکوئی ءَ را دل یکیمی کنت وھدیکہ ایچ ای سی وتی یونیورسٹی ءُ سمارٹ کلاس روم انفراسٹرکچر ءِ وسیلگ ءَ ادارگی رسائی ءَ را پجارینگ ءَ انت۔ اے آئی اسکل برج پروگرام ءِ نفاذ ءُ ترسیل ءِ تہا مرکزی کرد پیلو کنت۔ اے گامگیج پاکستان ءِ زانشتی معیشت ءَ را مھکم کنگ ءُ پاکستان ءِ آرٹیفیشل انٹیلی جنس راجی پالیشی 2025 ءُ مزن وزیر ءِ ورنا پروگرام ءِ وژن ءِ رد ءَ آیوکیں وھد ءِ واستہ تیاریں کارکن ءِ جوڑ کنگ ءِ نیمگ ءَ مزنیں گامگیج اِنت۔ تپاک نامہ ءِ سر ءَ دستخط کنگ ءَ پد اے پروگرام سرکاری رنگ ءَ وتی آپریشنل مرحلہ ءَ داخل بوتگ۔ یونیورسٹی ءِ فوکل پرسن سرجمیں ملک ءَ فعال کنگ بوتگ انت وھدے کہ نودربر آنی واستہ رجسٹریشن ءِ عمل actai.aiskillbridge.pk ءِ سر ءَ برجاہ انت۔ اے پروگرام ءِ سرکاری رنگ ءَ بندات کنگ ءِ ھاترا زوت یک راجی مراگشے برجم دارگ بیت وھدے کہ آیوکیں لھتیں ھپتگ آنی تہ ءَ اولی بھر ءِ بندات کنگ ءِ گمان اِنت۔ ایشی ءَ پد اے پروگرام ہر دو ماہ ءَ پد نوکیں سائیکل ءِ گوما برجاہ بیت تانکہ سرجمیں ملک ءَ برجاھ ءُ پائیداریں اثر ءَ را دل یکیمی کنگ بہ بیت۔