پاکستان ءُ ناروے ءِ نیام ءَ موسمیاتی کمک ءِ منوگری ءِ سر ءَ دستخط کنگ بوت

اسلام آباد۔1اپریل (اے پی پی): پاکستان ءُ ناروے ءِ نیام ءَ موسمیاتی کمک ءِ معاہدے ءِ سر ءَ دستخط کنگ بوتگ ۔ وزارت موسمیاتی بدلی ءِ نیمگ ءَ برجم داشتگیں مراگش ءَ پیرس معاہدے ءِ آرٹیکل 6 ءِ رد ءَ یک تپاک نامہ ءِ سر ءَ دستخط کنگ بوت۔ اے موہ ءِ سر ءَ موسمی مٹ ءُ بدلی ءِ وفاقی وزیر مصدق ملک ءَ شریکداری ءَ را دوئیں ملک آنی سیادی آنی تہ ءَ یک جوانیں دیمروئی ءِ رنگ ءَ گوشت ءُ گوشت کہ اے معاہدہ پاکستان ءَ موسمیاتی سمارٹ ایگریکلچر ءُ ساپیں توان ءِ دیمروئی ءِ واستہ سنگ میل ءِ رنگ ءَ ثابت بیت۔ آئی ءَ گوشت کہ اے گامگیج ءَ چہ نا ایوک ءَ جھان ءِ تک ءَ ملکی کاربن مارکیٹ ءَ را مھکم کنگ بیت بلکینگ ءَ گرین اکانومی ءِ واستہ نوکیں موہ ھم پیداک بنت۔

وفاقی وزیر ءَ گوشت کہ حکومت ردی ءِ گر ءُ دار، کشت ءُ کشاری، ٹرانسپورٹ ءُ توان ءِ وڑیں ھاسیں شوبگ آنی تہ ءَ برجمیں دیمروئی ءِ واستہ اولیت ءِ بنیاد ءَ گامگیج کنگ ءَ اِنت۔ مراگش ءَ بہر زوروکیں ناروے ءِ سفیر ءَ اے معاہدہ ءَ را دو نیمگی چاگردی کمک ءِ نوکیں دور ءِ بندات لیک اِتگ ءُ گوشت کہ ناروے چاگردی مول ءُ مراد آنی سرجمی ءِ واستہ پاکستان ءِ گوما سرجمی ءَ کمک ءَ برجاہ دار ایت۔ آئی ءَ گوشت کہ اے شریکداری برابری، شفافیت ءُ وت مہ وتی بھروسہ ءِ بنیات آنی سر ءَ اِنت، ایشی ءِ مستریں مول ءُ مراد جندی شوبگ ءِ سرمایہ کاری ءَ را دیمروئی دیگ ءُ سبزیں دیمروئی ءَ را ترند کنگ اِنت۔