حکومت معیشت ءِ استحکام ءُ دیمروئی ءُ الس ءِ وشھالی ءِ ھاتر ءَ درستیں المی ئیں گامگیجاں برجاہ دار ایت،  مزن وزیر شہباز شریف

اسلام آباد۔1اپریل (اے پی پی): مزن وزیر محمد شہباز شریف ءَ جہانی مارکیٹ ءَ بہا آنی تہ ءَ گیشی ءِ رجحان ءِ سبب ءَ ملک ءِ سر ءَ اقتصادی ءُ مالی اثرات ءَ گوں گر ءُ چیل بوھگ ءِ واستہ میان استمانی ءُ دراجیں مدت ءِ سرجمیں حکمت عملی ءِ جوڑ کنگ ءِ پنت ءُ شون کتگ۔ آئی ءَ گوشت کہ حکومت معیشت ءِ برجائی ءُ دیمروئی ءُ السی گہبودی ءِ واستہ ھمک رنگ ءَ المی ئیں گامگیج آناں یک جزمیں رنگ ءَ دیم ءَ بران کنت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ یک جامع ایکشن پلان ءِ جوڑ کنگ ءِ ھاترا دمگ ءِ نگیگیں جاور ھال آنی رد ءَ ملک ءِ سر ءَ مالی ءُ اقتصادی اثرات ءِ گر ءُ دار ءِ ھاترا یک جامع ایکشن پلان ءِ جوڑ کنگ ءِ ھاترا چار ءُ تپاسی دیوان برجم دارگ بوتگ۔ مزن وزیر ءَ استیں جاور ھال آنی مالی ءُ معاشی تاوان ءَ گوں گر ءُ چیل بوھگ ءِ واستہ توامیں سیادی داروکیں وزارت ءُ ادارگ آنی نیمگ ءَ چست کتگیں گامگیج آناں ساڑات ءُ کمک ءَ را گیش جوانیں رنگ ءَ جوڑ کنگ ءِ پنت ءُ شون کت۔ آئی ءَ گوشت کہ دگنیا ءِ بازیں ملک استیں جاور آنی رد ءَ المی چیز آنی لوٹ ءُ گزر ءِ توازن ءِ برجائی ءَ مشکل ءِ آماچ انت۔ الحمداللہ پاکستان اے مشکلیں جاورحال ءَ را مزنیں سوبمندی ءُ جوانیں رنگ ءَ گوں گیش ءُ گیوار کنگ ءَ انت۔ درستیں ادارگاں المی سامان آنی لوٹ ءُ گزر ءِ تہ ءَ ھرچ وڑیں ایمرجنسی ءِ دیم ءَ دارگ ءِ واستہ جوانیں ءُ وھد ءِ سر ءَ گامگیج چست کتگ کہ اے ستا کرز اِیت۔ مزن وزیر ءَ گوشت کہ پاکستان ءَ وردن ءُ وراک ءِ چیز آنی ملکی لوٹ آناں پیلو کنگ ءَ پد جوانیں کساس ءَ برآمد کنگ ءِ واستہ یک سرجمیں حکمت عملی ءِ سر ءَ سوبمندیں رنگ ءَ پیشرفت بوھگ ءَ اِنت۔ حکومت ملک ءِ معیشت ءُ الس ءِ وشھالی ءِ برجائی ءُ دیمروئی ءِ واستہ درستیں المی ئیں گامگیجاں برجاہ دار ایت۔ مزن وزیر ءَ پنت ءُ شون کت کہ جھان ءِ مارکیٹ ءَ نہادانی تہ ءَ گیشی ءِ رجحان ءِ سبب ءَ ملک ءِ سر ءَ اقتصادی ءُ مالیاتی اثرات ءَ گوں گر ءُ چیل بوھگ ءِ واستہ میاں اوستمانی ءُ دراجیں مدت ءِ سرجمیں حکمت عملی جوڑ کنگ بہ بیت۔ معیشت ءِ توامیں شوبگ آنی استحکام ءُ دیمروئی ءَ را ھیال ءَ دارگ ءَ گوں سیادی داروکیں وزارت ءُ ادارگ آنی کمک ءَ حکمت عملی جوڑ کنگ بہ بیت۔ جھان ءِ اقتصادی بحران ءِ رد ءَ پیداواری ھرچ ءُ درچ ءِ تہ ءَ گیشی ءِ برآمدات ءُ ملک ءِ سرجمیں ملکی پیداوار ءِ سر ءَ اثر ءَ را کم چہ کم کنگ ءِ واستہ موثر گامگیج پیش کنگ بہ بنت۔ زرعی ءُ صنعتی پیداوار ءِ سر ءَ استیں اقتصادی بحران ءِ اثر ءِ گر ءُ دار ءِ واستہ دستیابیں وسیلگ ءُ موہ آناں سرجمی ءَ کارمرد کنگ بہ بیت۔ گند ءُ نند ءَ گوشگ بوت کہ توام سیادی داروکیں وزارت ءُ ادارگ مزن وزیر ءِ پنت ءُ شون ءِ رد ءَ روچ پہ روچ استیں جاور ھال آنی درگت ءَ اقتصادی اثر آنی چار ءُ تپاسی کنگ ءَ انت۔ مزن وزیر ئَ گوشت کہ جوڑ کتگیں حکمت عملی ئَ چہ معیشت ئِ توامیں شوبگ ئِ پیداوار ئُُ سپلائی ڈیمانڈ ئِ توازن ئَ را متاثر مہ کنت۔ مزن وزیر ءَ مشکلیں جاور ھال آنی باوجود پاکستان ءَ المی چیز آنی سپلائی ڈیمانڈ بیلنس ءِ برجائی ءِ سر ءَ ھم منت واری ءِ درشان کت۔ مزن وزیر ءَ پنت ءُ شون کت کہ حکمت عملی جوڑ کنگ ءَ دری ءُ اندری میکرو اکنامک اثرات ءِ ہم ھاسیں رنگ ءَ چار ءُ تپاسی کنگ بہ بیت۔ گند ءُ نند ءَ وفاقی وزیر ءِ منصوبہ بندی ءُ دیمروئی احسن اقبال، وفاقی وزیر خزانہ محمد اورنگزیب، وفاقی وزیر پاور ڈویژن سردار اویس احمد خان لغاری، وفاقی وزیر اھوالکاری ءُ  شنگ کاری عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر نیشنل فوڈ سکیورٹی رانا تنویر، وفاقی وزیر برائے پٹرولیم علی پرویز ملک، وفاقی وزیر اقتصادی امور احد خان چیمہ، وزیراعظم کے معاون خصوصی ہارون اختر، گورنر سٹیٹ بینک جمیل احمد ءُ اے دگہ سیادی داروکیں سرکاری کارندہ آنی سر ءَ ھوار انت۔