نائب مزن وزیر محمد اسحاق ڈار ءَ را چین ءَ چہ واتر بوھگ ءِ وھد ءَ وفاقی وزیر حنیف عباسی ءَ آئی ءَ را وش اتک کت

اسلام آباد۔1اپریل (اے پی پی): چین ءِ تر ءُ تاب ءِ سرجم کنگ ءَ پد چار شمبے ءِ روچ ءَ نائب مزن وزیر ءُ دری کارانی وزیر محمد اسحاق ڈار وطن ءَ واتر بوتگ۔ ریلوے ءِ وفاقی وزیر محمد حنیف عباسی ءَ بالی پٹ ءَ آئی ءَ را وش اتک کت ءُ سہ نیمگی دری کارانی وزیر آنی کانفرنس ءِ سوبمندی ءِ سر ءَ مبارک بات دات۔ آئی ءَ گوشت کہ سئے نیمگی دری کارانی وزیر آنی کانفرنس ءِ سوبمندی پاکستان ءِ جوانیں جھان ءِ کرد ءِ درشان اِنت، پاکستان ءِ جوانیں سفارتکاری جھان ءِ تک ءَ جوانیں کلوہ ءِ دیم ءَ آرگ ءَ اِنت۔ محمد حنیف عباسی ءَ گوشت کہ راجی سروکی ءِ جوانیں حکمت عملی ءَ گوں پاکستان ءِ گلوبل امیج گیش مھکم بوھگ ءَ انت، پاکستان سوبمندیں سفارتی کوشست آنی گوما گلوبل تک ءَ شرپداریں رنگ ءَ دیم ءَ روگ ءَ انت، پاکستان ءُ چین ءِ دوستی ءَ را گیش مھکم کنگ ءَ انت ءُ سوبمندیں تر ءُ تاب وش آتکیں دیمروئی انت۔