چیئرمین سینیٹ نا آل پاکستان نیوز پیپرز سوسائٹی نا پوسکن گچین مروک آ عہدیدار آتے مبارکباد

اسلام آباد۔ 01 اپریل (اے پی پی ) چیئرمین سینیٹ سید یوسف رضاگیلانی آل پاکستان نیوز پیپر سوسائٹی نا گچین کاری تیٹی سرسہب مروک آ عہدیدار آتے مبارکبادی پیش کرینے۔ سینیٹ سیکرٹریٹ آن جاری بیان نا رداٹ چیئرمین سید یوسف رضاگیلانی سینیٹر سرمد علی نا بطور صدر، ناز آفرین سہگل لاکھانی نا بطور سینئر نائب صسدر، شہاب زبیری نا بطور نائب صدر، محمد اطہر قاضی نا بطور سیکرٹری جنرل ، محسن بلال نا بطور جوائنٹ سیکرٹری و نوید کاشف نا بطور فنانس سیکرٹری گچین مننگ آ نیک است خواہی نا درشانی ءِ کرے۔ چیئرمین سینیٹ پارے کہ آل پاکستان نیوز پیپرز سوسائٹی نا پوسکن آ سرکڑدہ غاتیا باسک آتا پت داہیت انا ڈیک ءِ کہ او اخباری صنعت ءِ پوسکن آ خواست آتون ہم گرنچ کننگ نا لائخی تخرہ۔ اودااومیت نا درشانی ءِ کرے کہ پوسکن گچین مروک آ ٹیم اخباری صنعتءِمون تروک زرگزرانی و کسبی چیلنج آتون مون تننگ کن جوان حکمت عملی اس تینا کیک۔ سید یوسف رضاگیلانی پارے کہ زموار و باخبرمیڈیا نئے بیرہ جمہوری قدر انا مون آ دننگ نا ذریعہ جوڑ مریک بلکن قومی مکالمہ ءِ سوگو کننگ اٹ ہم اہم ءُ کڑد اس ادا کیک۔ اوپارے کہ پارلیمان آجوئی صحافت نا رکھ ومیڈیا نا ادارہ جاتی سوگوی کن تینا مخ تفی ءِ برجاتخک۔ چیئرمین سینیٹ پوسکن گچین مروک آ سرکڑدہ غاتا سرسہبی و ملک اٹی آب اٹ صحافت نا مون آ دننگ کن نیک است خواہی نا درشانی ءِ ہم کرے۔