پاکستان ڈیہہ اٹی امن ، سوگوی و زموارانہ سرکڑدہ ئی کن اصولی موقف اس اختیار کرے، طارق فضل چوہدری

اسلام آباد۔ 01 اپریل (اے پی پی ) بنجائی وزیر پارلیمانی امور ڈاکٹر طارق فضل چوہدری پارینے کہ پاکستان ڈیہہ اٹی امن ، سوگوی و۲ زموارانہ سرکڑدہ ئی کن اصولی موقف اس اختیارکرینے و ساڑی آ حالیت آتیٹی مثبت کڑد ادا کننگ نا سوب آن تاریخ اٹی اونا پن ءِ روشنا لوز آتیٹی نوشتہ کننگک۔ چارشنبے نادے آ راجی رابطہ نا ویب سائٹ ‘‘ایکس’’ آ اسہ بیان اسے ٹی اوپارے کہ تناؤ نا دا دور اٹی پاکستان تماشائی آخابلکن ڈیہہ اٹی توازن کن سفارتی طاقت اس جوڑمرسا مون آ بسنے، وزیراعظم محمد شہباز شریف نا بصیرت آ تالان کماشی ٹی ننا ملک داوخت آ تاریخی کڑدا دا کننگ ءِ ، دا چرجوئی ٹی نائب وزیراعظم محمد اسحاق ڈار و فیلڈ مارشل جنرل عاصم منیر نا سخت خواری و سفارتی کوشست ہم ستاکڑزک، دا ہرمسٹ آک شخصیت آک پاکستان نا قومی مفاد آتارکھ اتون اواراوار ڈیہہ اٹی گپ وتران نا کمک اٹ تناؤ ءِ کم کننگ کن تینا کڑد ءِ ادا کننگ ءُ۔ اوپارے کہ اینو دنیا خننگ ءِ کہ پاکستانی قوم حکمت اٹ فیصلہ کیک و زموارانہ سرکڑدہ ئی یخین تخک۔