نائب وزیراعظم محمد اسحاق ڈار و چینی وزیرخارجہ نا اوڑدہی، علاقائی سیکورٹی حالیت آتا سنگین راجی و زرگزرانی اثرآتیا گڑتی نا درشان، دے ٹک نیامی ٹی امن و سوگوی نا بحالی کن پنچ ٹکی گام انا بناء

اسلام آباد۔ 01 اپریل (اے پی پی ) نائب وزیراعظم و وزیرخارجہ سینیٹر محمد اسحاق ڈار و چین نا وزیر خارجہ وانگ یی نا نیام اٹ اوڑدہی ٹی ہڑتوم آ راہشونک دیکی ایشیاء نا علاقائی حالیت و ہڑتوم آ کنڈآتا تعلقداری تیا گپ وتران کریر، فریق آک علاقائی سیکورٹی نا حالیت آتا جاچ ءِ ہلکر و پدتموک ملک آتیا اونا سنگین راجی و زرگزرانی اثرآتیا گڑتی نا درشانی ءِ کریر۔ دفترخارجہ نا کنڈآن چارشنبے نادے آ جاری بیان نا رداٹ نائب وزیراعظم و وزیرخارجہ سینیٹر محمد اسحاق ڈار چین نا وزیر خارجہ وانگ یی نا سلہ غا 31 مارچ آن یکم اپریلک بیجنگ نا سرکاری دورہ ءِ کرے۔ اوڑدہی روایتی گرم جوشی و جوان ءُ چاگڑد اسے ٹی مس ، ہڑتوم آ راہشونک دیکی ایشیاء نا علاقائی حالیت وہڑتوم آ کنڈآتا تعلقداری تیا گپ وتران کریر۔ نائب وزیراعظم و وزیرخارجہ چینی وزیر خارجہ وانگ یی ءِ پاکستان نا کنڈآن جھیڑہ نا چٹفنگ و مذاکرات نا بحالی کن برجاکوشست آتاین سرجمی اٹ معلومدار کرے ہرافتے ٹی اسلام آباد اٹی پاکستان، سعودی عرب، ترکیہ و مصر انا وزیرخارجہ غاتا ساڑی آ اوڑدہی ہم اوار ءِ۔ ہڑتوم آ فریق آک علاقائی سیکورٹی نا حالیت آتا جاچ ءِ ہلکر و پدتموک ملک آتیا اونا سنگین راجی و زرگزرانی اثرآتیا گڑتی نا درشانی ءِ کریر۔ دارداٹ ہڑتوم آملک آک خلیج و دے ٹک نیامی ٹی امن و سوگوی نا بحالی کن پنچ ٹکی گام انا بناءِ کریر۔ ہڑتوم آ فریق آک علاقائی سلامتی نا حالیت آتا جاچ ءِ ہلکر و پدتموک ملک آتیا اونا سنگین راجی و زرگزرانی اثرآتای گڑتی نا درشانی ءِ کریر۔ دارداٹ ہڑتوم آملک آک خلیج و دے ٹک نیامی ٹی امن و سوگوی نا بحالی کن پنچ ٹکی گام  انا بناءِ کرینو۔ بیان نا رداٹ وزیرخارجہ وانگ یی دیکی ایشیاٹی جھیڑہ نا چٹفنگ و امن نا مون آ دننگ کن پاکستان نا فعال سفارتی کڑد و کوشست آتاستاءِ کرے و تینامخ تفی نا درشانی ءِ کرے۔ ہڑتوم آ وزیرخارجہ غاک ہڑتوم آ کنڈآتا تعلقداری ٹی ودوک آ رفتار آ است جمی نا درشانی ءِ کریر و سی پیک 2.0 نا رداٹ بڑزکو آب انا شونداری و اسٹریٹجک کمکاری نا مون آ دننگ تون اوار بڑزکو کہولی رابطہ و ہن و برءِ پین سوگو کننگ آ زور شاغار خاص کر داسال ہراتم ہڑتوم آ ملک آتا نیام اٹ سفارتی تعلقداری نا 75 می سال دے ءِ اڈتننگ انگ ءِ۔ نائب وزیراعظم وزیرخارجہ وانگ یی نا کنڈآن جم وجوش اٹ بخیر و شاندار مہمانداری آ منت واری ءِ ہرفے۔ ہڑتوم آ راہشونک اوغانستان نا حالیت، امن و سوگوی نا اہمیت و دہشت گردی نا گچین انسداد نا گرج آہم گپ وتران کریر۔ بیان نارداٹ ہڑتوم آ فریق آک تین پہ تینی رابطہ غاتے باقاعدگی اٹ برجاتخنگ آ امنا کریر۔