وفاقی وزیر خزانہ محمد اورنگزیب ءَ خیبر پختونخوا ءِ سر وزیر سہیل آفریدی ءَ گوں گند ءُ نند

اسلام آباد۔31مارچ  (اے پی پی): وزارت ءِ ھزانگ ءَ وفاقی وزیر ءِ ھزانگ ءُ آمدنی ءِ سینیٹر محمد اورنگزیب ءَ خیبر پختونخوا ءِ سر وزیر سہیل آفریدی ءَ گوں گند ءُ نند کت۔ دیوان وش ءُ جوڑیشت ءِ تہ ءَ برجم دارگ بوت ایشی ءِ تہ ءَ وت مہ وتی دلچسپی ءِ جیڈھ آنی سر ءَ سرجمیں رنگ ءَ گپ ءُ تران کنگ بوت۔ گند ءُ نند ءِ ساھت ءَ بنجاھی وزیر ءَ وفاقی ھزانگ ءِ وزیر ءَ را خیبر پختونخوا ءِ دیم ءَ اوشتاتگیں جتا جتائیں اقتصادی ءُ مالیاتی جیڈھ آنی بابت ءَ سرپد کت ءُ ایشانی گیواری ءِ واستہ وفاقی حکومت ءِ کمک ءِ ضلورت ءِ سر ءَ زور پر دات۔ وفاقی وزیر خزانہ ءَ بنجاہی وزیر ءَ را دل یکیمی دات کہ وفاقی حکومت صوبگ ءِ توامیں جائز جیڈھ آنی گیواری ءِ واستہ سرجمیں کمک ءَ را گیش کنت۔ آئی ءَ اے عزم ءِ یک رندے پدا گوشت کہ صوبائی حکومت آناں دیم ءَ اتکگیں مالی چیلنج آناں گر ءُ چیل بوھگ ءِ واستہ ھمک رنگیں آسراتی پجاری کنگ بنت۔ دوئیں رہشون آنی نیام ءَ اے گپ ءِ سر ءَ ھم تپاک کنگ بوت کہ فیڈریشن ءُ صوبگ آنی نیام ءَ وت مہ وتی سیادی ءُ کمک ءَ را گیش مھکم کنگ بیت تانکہ اقتصادی استحکام ءُ برجمیں دیمروئی ءِ ھاترا دیم ءَ برگ بہ بیت۔