گورنر خیبرپختونخوا فیصل کریم کنڈی ءَ پاکستان پیپلز پارٹی ءِ مرکزی سیکرٹری اھوالکاری ندیم افضل چن ءَ گوں گند ءُ نند

اسلام آباد۔31مارچ  (اے پی پی): گورنر خیبر پختونخوا فیصل کریم کنڈی ءَ گورنر ہاؤس اسلام آباد ءَ پاکستان پیپلز پارٹی ءِ مرکزی سیکرٹری انفارمیشن ندیم افضل چن ءَ گوں گند ءُ نند کت۔ اے موہ ءِ سر ءَ پی ایس او ٹو ءِ گورنر تنویر حسین ملک ھم ساڑی ات۔ سئے شمبے ءِ روچ ءَ گورنر ءِ کارگس ءِ نیمگ ءَ چہ جاڑی بوتگیں بیان ءِ رد ءَ گند ءُ نند ءِ ساھت ءَ وت مہ وتی مفاد ءِ جیڈھ، ملک ءِ سیاسی جاور ءُ پارٹی ءِ جیڈھ آنی سر ءَ سرجمیں رنگ ءَ گپ ءُ تران کنگ بوتگ۔ دوئیں بامرد آں اے گپ ءِ سر ءَ زور پر دات کہ استیں جاور ھال آنی تہ ءَ راجی جیڈھ آنی گیواری ءُ جمہوری عمل ءِ مھکم کنگ ءِ واستہ یکجائی کوشست ناگزیر انت۔ اے موہ ءِ سر ءَ پارٹی ءِ تنظیمی کار، تعلقات لسہ مہم ءُ سیاسی حکمت عملی ءِ سر ءَ ھم گپ ءُ تران کنگ بوت۔ گورنر خیبرپختونخوا فیصل کریم کنڈی ءَ گشتگ کہ پیپلز پارٹی ءَ را سرکاری ازمت ءُ جمہوری اقدار ءِ دیمروئی ءِ سرا ایمان انت ۔ پارٹی ءِ موقف ءَ را لس مھلوک ءِ دیم ءَ جوانیں رنگے ءَ سر کنگ ءَ رسانکدر ءِ کرد انتہائی المی انت۔ دیوان ءَ اے گپ ءِ سر ءَ تپاک کنگ بوت کہ نوکیں میڈیا ھاسیں رنگ ءَ ڈیجیٹل ءُ سوشل میڈیا پلیٹ فارم ءَ را گیش جوانیں رنگ ءَ کارمرد کنگ بیت تانکہ پارٹی ءِ بیانیہ ءَ را مھکم، ھمگرنچ ءُ وھد ءِ سر ءَ پدر کنگ بہ بیت۔