اسلام آباد۔31مارچ (اے پی پی): بیجنگ ءِ دیاؤیتائی اسٹیٹ گیسٹ ہاؤس ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ را چین ءِ درئی کارانی وزیر وانگ یی ءَ آئی ءَ را وش آتک کت۔ سئے شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں رہشون اسٹیٹ گیسٹ ہاؤس ءَ دو نیمگی گند ءُ نند کن اَنت۔ نائب …
چین ءِ دیائوتائی اسٹیٹ گیسٹ ہاؤس ءَ نائب مزن وزیر اسحاق ڈار ءَ را وش اتک کتگ
اسلام آباد۔31مارچ (اے پی پی): بیجنگ ءِ دیاؤیتائی اسٹیٹ گیسٹ ہاؤس ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ را چین ءِ درئی کارانی وزیر وانگ یی ءَ آئی ءَ را وش آتک کت۔ سئے شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں رہشون اسٹیٹ گیسٹ ہاؤس ءَ دو نیمگی گند ءُ نند کن اَنت۔ نائب مزن وزیر سینیٹر محمد اسحاق دار چین ءِ یک روچی سرکاری تر ءُ تاب ءَ انت اودا آ چین ءِ دری کارانی وزیر وانگ یی ءَ گوں گند ءُ نند کنت۔ نائب مزن وزیر ءُ دری کارانی وزیر ءَ را اے تر ءُ تاب ءِ واستہ وتی چینی ھمکار وانگ یی ءَ دعوت داتگ۔ تر ءُ تاب ءِ ساھت ءَ دوئیں رہشون پاکستان ءُ چین ءِ نیام ءَ دو نیمگی سیادی آنی سر ءَ سرجمی ءَ چار ءُ تپاسی کن اَنت ءُ وت مہ وتی مفاد ءِ دمگی ءُ جھان ءِ جیڈھ آنی سر ءَ سرجمیں رنگ ءَ گپ ءُ تران کن اَنت۔
