نائب مزن وزیر ءُ دری کارانی وزیر سینیٹر محمد اسحاق ڈار 31 مارچ ءَ چین ءِ تر ءُ تاب ءَ کنت

اسلام آباد۔30مارچ  (اے پی پی): چین ءِ درئی کارانی وزیر وانگ یی ءِ دعوت ءِ رد ءَ نائب مزن وزیر ءُ درئی کارانی وزیر سینیٹر محمد اسحاق ڈار 31مارچ 2026ءَ چین ءِ تر ءُ تاب ءَ کنت۔ دو شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ پاکستان ءُ چین ءِ نیام ءَ ھر موسم ءِ تہ ءَ یک مھکمیں اسٹریٹجک شریکداری ءِ وشھالی ھست، ایشی ءِ تہ ءَ دمگی ءُ جھان ءِ جیڈھ آنی سر ءَ نزیکیں کمک ءُ باقاعدہ شور ءُ سلاھ ءِ ھاسیں رنگ اِنت۔ اے درگت ءَ اے تر ءُ تاب ءَ چہ دوئیں ملک آناں دمگی جاور ھال آنی ھوار دو نیمگی ءُ جھان ءِ جیڈھ آنی سر ءَ سرجمیں رنگ ءَ گپ ءُ تران کنگ ءِ موہ رس ایت۔ نائب مزن وزیر ءُ دری کارانی وزیر ءِ تر ءُ تاب ، ڈاکٹر آنی نیمگ ءَ چہ گوستگیں روچ ءَ آئی ءِ شانک ءِ کسانیں ٹپ ءِ سبب ءَ آرام کنگ ءِ پنت ءُ شون ءِ ابید ، پاکستان چین ءِ گوما وتی سیادی ءَ را چے پیمیں ارزشت ءِ داتگ ، اے گپ ءِ پدریں ثبوت اِنت۔