حکومت نزور ءُ میان اُستمانی تبک ءَ را گیش ریلیف دیگ ءِ کوشست ءَ کنگ ءَ اِنت، مشکلیں وھد ءَ معاشی رد ءَ نزوریں تبک ءَ را تہنا نہ یلہ کنت، مزن وزیر شہباز شریف

اسلام آباد۔30مارچ  (اے پی پی): مزن وزیر محمد شہباز شریف ءَ خلیج ءِ جاور ھال آنی سبب ءَ پٹرولیم ءِ چیز آنی نرخ آنی سبب ءَ آماچیں نزور ءُ میان استمانی تبک ءَ را گیش ریلیف دیگ ءِ وتی عزم ءِ پدر کنگ ءَ گوشت کہ عام مردم ءَ را رکّینگ ءِ واستہ حکومت ءَ باز رند ءَ اے بار ءِ سر ءَ ڈیجیٹل حکومت ءَ را وت ءَ را برداشت کتگ۔ عام مردم ءِ ھاترا گامگیج چست کنگ بنت، کمزوریں طبقہ ءَ را یلہ نہ دیگ بیت۔ آئی ءَ اے ھیالانی درشانی دو شمبے ءِ روچ ءَ وتی سروکی ءَ برجم داشتگیں دیوان ءَ گوں گشتانک دیان ءَ کت کہ ایشی ءِ تہ ءَ پٹرولیم ءِ چیز، پاکستان ءَ استیں ذخیرہ ءُ السی کمک ءِ گامگیج آنی سر ءَ چار ءُ تپاسی کنگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ حکومت نزور ءُ میاں اوستمانی تبک ءِ مردم آناں گیش ریلیف پجارینگ ءِ کوشست ءَ کنگ ءَ اِنت، ءُ اے گرانیں وھد ءَ معاشی رد ءَ نزور تریں بھر ءَ را ایوک ءَ نہ یلہ کنت۔ مزن وزیر ءَ را گوشگ بوت کہ صوبائی حکومت آناں گوشت کنگ بوتگ کہ آ موٹر سائیکل ءُ رکشہ واھند آنی رجسٹریشن ءَ را وتی نام ءَ دیم دیگ ءِ واستہ ترندیں گامگیج بہ زور اَنت، اے درگت ءَ وفاقی حکومت صوبائی حکومت آنی گوما ھمگرنچی کنگ ءَ اِنت۔ مزن وزیر ءَ گوشت کہ جاور ھال آنی سر ءَ ھیال داری کنگ ءَ حکومت ءَ سرکاری ھرچ ءُ درچ ھم کم کتگ، دیمروئی بجٹ ءَ را کمی کتگ ءُ سرکاری گاڑی آناں ترندیں رنگ ءَ 60درسد بند کتگ، سرکاری ھرچ ءُ درچ ءَ را کمی کنگ ءَ چہ قربانی ءِ عمل بندات کتگ، تیل ءِ نرخ آناں گیش کنگ ءِ سرکاری تجویز آناں باز رند ءَ رد کتگ ءُ مونے میشور ءِ واستہ کارمرد کتگ۔ آئی ءَ گوشت کہ ڈیجیٹل سسٹم ءَ کارمرد کنان ءَ عام مردم ءَ را السی کمک ءِ گامگیج چست کنگ بیت۔ عالمی بحران ءِ باوجود بروقت فیصلہ کنگ بوتگ انت ءُ خدا ءِ فضل ءَ ایندھن ءِ سپلائی ءَ ہچ وڑیں رکاوٹ نہ بوتگ۔ مزن وزیر ءَ گوشت کہ پاکستان خطہ ءَ ایمنی ءِ واستہ سفارتی محاذ ءِ سر ءَ سرجمی ءَ کوشست کنگ ءَ انت ۔ دیوان ءَ ایندھن ءِ رکھینگ ءِ واستہ حکومتی گامگیج آنی سر ءَ عمل کنگ ءِ بابت ءَ سرپدی دیگ بوت، آیوکیں ایکشن پلان ءُ استیں اسٹاک ءِ بابت ءَ سوج ءُ پنت ءُ مزن وزیر ءِ ایندھن ءِ رکھینگ ءِ گامگیج آنی سر ءَ عمل درآمد ءُ کفایت شعاری مہم ءِ سر ءَ پیشرفت ءِ بابت ءَ انٹیلی جنس بیورو ءِ آڈٹ رپورٹ ھم پیش کنگ بوت۔ گند ءُ نند ءَ گوشگ بوت کہ مزن وزیر ءِ بچت ءُ کفایت شعاری مہم ءِ سر ءَ عمل کنگ ءَ را دل یکیمی کنگ بوھگ ءَ انت، ملک ءِ ضلورت آناں پیلو کنگ ءِ واستہ ایندھن ءِ جوانیں ذخیرہ است انت ءُ آیوکیں وھد ءِ واستہ ھم بندوبست کنگ بوھگ ءَ انت۔ مزن وزیر ءَ را داتگیں بریفنگ ءِ تہ ءَ گوشگ بوت کہ ایلیٹ ءِ مزنیں گاڑی آنی تہ ءَ کارمرد بوھوکیں ہائی آکٹین ​​فیول ءِ سر ءَ لیوی ءِ تہ ءَ گیشی ءَ چہ جیٹ فیول ءِ نہاد آنی تہ ءَ ھچ وڑیں بدلی ناتکگ۔ مزن وزیر ءِ ہدایت ءِ سرا بچت مہم ءِ چیر دستی ءَ جار جتگیں گامگیج آنی سر ءَ عمل کنگ ءَ را دل یکیمی کنگ بوھگ ءَ انت۔ بریفنگ ءَ گوشت کہ ملک ءِ ضلورت آناں پیلو کنگ ءِ واستہ دوائی آنی مزنیں اسٹاک است انت، ءُ آیوکیں کارروائی ءِ ھوالگ ءَ دیوان ءَ را سوج ھم پیش کنگ بوت۔ گند ءُ نند ءَ نائب مزن وزیر ءُ درئی کارانی وزیر اسحاق ڈار، وفاقی وزراء محمد آصف، احسن اقبال، ڈاکٹر مصدق ملک، احد خان چیمہ، سید مصطفی کمال، محمد اورنگزیب، عطاء اللہ تارڑ، علی پرویز ملک، شزہ فاطمہ خواجہ، رانا مبشر اقبال، سردار اویس خان لغاری،  مزن وزیر ءِ مشیر  رانا ثناء اللہ، وزیرِ مملکت بلال اظہر کیانی،  ھاسیں کمکار  طارق فاطمی، طلحہ برکی، ارکان قومی اسمبلی انجینئر  قمر الاسلام، ریاض الحق، حافظ محمد نعمان  ءُ سیادی داروکیں مزنیں کارندہ۔