وفاقی آئینی آمیدگس ءَ راجی اسمبلی ءِ باسک سہیل سلطان ءِ نااہلی ءِ حوالہ ءِ حلاف ءَ درخواست ءِ سرا نوٹس جاڑی

اسلام آباد۔30مارچ  (اے پی پی): وفاقی آئینی آمید گس ءَ باسک راجی اسمبلی سہیل سلطان ءِ نااہلی ءِ حلاف ءَ دائر کتگیں ریفرنس ءِ حلاف ءَ درخواست ءِ سر ءَ اٹارنی جنرل ءَ را نوٹس شنگ کتگ۔ قومی اسمبلی ءِ اسپیکر سردار ایاز صادق ءِ نیمگ ءَ دیم داتگیں ریفرنس ءِ حلاف ءَ دوشمبے ءِ روچ ءَ جسٹس عامر فاروق ءِ سروکی ءَ دو باسکی بنچ ءَ کیس گوشدارگ بوتگ ۔ گوشدارگ ءِ وھد ءَ بیرسٹر گوھر علی خان سہیل سلطان ءِ نیمگ ءَ وفاقی آئینی آمید گس ءَ پیش بوتگ ءُ اے موقف زرتگ کہ حوالہ قانونی لوٹ آنی ھلاپ اِنت۔ حوالہ ءِ تہا زورگ بوتگیں موقف ایش انت کہ سہیل سلطان ءَ گچین کاری ءَ پیسر سئے سال ءَ خیبر پختونخوا ءَ اسسٹنٹ ایڈووکیٹ جنرل ءِ عہدہ ءِ سر ءَ کار کتگ ات کہ ایشی ءِ بنیاد ءَ آئی ءِ اہلیت ءَ را چیلنج کنگ بوتگ۔ آمید گس ءَ بنداتی گوشدارگ ءَ چہ پد اٹارنی جنرل ءَ را نوٹس شنگ کتگ ءُ دیمتر ءِ کیس ءِ گوشدارگ مہتل کتگ ۔