ماں ملک ءَ پٹرولیم ءِ چیزانی ذخیرہ باز انت، مردماں پریشان بوھگ ءِ ھژدری نہ انت، خرم شہزاد

اسلام آباد۔30مارچ  (اے پی پی): وفاقی وزیر خزانہ ءِ مشیر خرم شہزاد ءَ گشتگ کہ ملک ءَ پٹرولیم ءِ چیزانی مزنیں ذخیرہ است انت ءُ الس ءَ را ہچ وڑیں کمی ءُ سپلائی ءِ تہا رکاوٹ ءِ بابت ءَ پریشان بوہگ ءِ ضلورت نہ انت۔ نجی ٹی وی پروگرام ءِ تہ ءَ تران کنان ءَ آئی ءَ گوشت کہ پیسر ءَ پٹرولیم ءِ چیز آنی ذخیرہ ءِ کساس 24روچ ءِ واستہ کافی بوتگ کہ نوں موثر حکمت عملی ءِ وسیلگ ءَ چار ہفتگ ءَ گیش کنگ بوتگ۔ آئی ءَ گوشت کہ مارچ ءُ اپریل ءِ ماھ آنی واستہ تیل ءِ ذخیرہ سرجمی ءَ دست کپگ ءَ انت ءُ سپلائی چین ءَ را گیش استحکام ءِ واستہ گامگیج کنگ بوھگ ءَ انت۔ خرم شہزاد ءَ گوشت کہ حکومت ءَ کفایت شعاری ءِ پالیسی ءِ رد ءَ غیر ضروری ھرچ ءُ درچ ءَ را مزنیں کساسے ءَ کم کتگ ایشی ءِ آسر ءَ نزیک ءَ یک ارب بیست ءُ پنچ ملین کلدار ءِ کمک دیگ بوتگ۔ آئی ءَ اے جزم ءِ درشان کت کہ حکومت راجی وسیلگ آنی جوانیں کارمردی ءَ را دل یکیمی کنگ ءِ واستہ عملی گامگیج برجاہ دار ایت۔ آئی ءَ چہ راج ءَ اپیل کت کہ آ راجی مفاد ءِ رد ءَ ذمہ واری ءِ درشان ءَ بہ کن اَنت ءُ حکومت ءِ گوما ھمکاری بہ کن اَنت تانکہ اقتصادی برجائی  گیش مھکم بہ بیت۔