پاکستان ءَ ڈیجیٹل فنانس ءِ تہ ءَ مزنیں پیشرفت، جھان ءِ سرمایہ کار آنی دلگوشی ءِ تہ ءَ گیشی

اسلام آباد۔30مارچ  (اے پی پی): پاکستان ءَ ڈیجیٹل فنانس ءِ شوبگ ءَ گوں ترندی ءَ گوں دیمروئی کنگ ءَ اِنت، ایشی ءِ سبب ءَ جھان ءِ سرمایہ کار آنی دلچسپی ءِ تہ ءَ مزنیں گیشی بوتگ، ملک ءَ گیش بوھوکیں ڈیجیٹل موہ سرمایہ کاری ءِ واستہ جوانیں چاگرد ءِ پھجارینگ ءَ اَنت۔ ایس آئی ایف سی ءِ کارندہ آنی رد ءَ اے درگت ءَ چینی مزنیں کمپنی چین ءِ فن وولیشن گروپ ءُ فن لاپ ءِ ڈل ءَ ایس ای سی پی ءِ چیئرمین ڈاکٹر کبیر احمد سدھو ءَ گوں گند ءُ نند کتگ۔ گند ءُ نند ءِ تہ ڈیجیٹل فنانس، ریگولیٹری اصلاحات ءُ مالیاتی شمولیت ءِ دیمروئی ءِ جتا جتائیں تک ءُ پھنات آنی سر ءَ سرجمی ءَ گپ ءُ تران کنگ بوت۔ ڈل ءَ ایس ای سی پی ءِ نیمگ ءَ چہ دیم ءَ آؤرتگیں اصلاحات آناں ساڑات ءُ پاکستان ءِ ڈیجیٹل معیشت ءَ نوکیں مالیاتی گیواری ءِ دیم ءَ آرگ ءِ جزم ءِ درشان کت۔ اے وھد ءَ چینی فن ولیوشن گروپ ءُ فن لاپ پاکستان ءَ وتی کاروائیاں گیش کنگ ءَ انت۔ فن لیپ  ءِ  "چپ ءُچاگرد”  پلیٹ فارم صارفین ءَ را آسان ءُ فوری ڈیجیٹل قرضہ ءِ آسراتی ءِ گوما رسگ ءَ انت، مالیاتی خدمات ءِ رسائی ءَ را گیش گہتر کنگ ءَ انت۔ کمپنی ءِ سرمایہ کاری ءُ نوکیں ٹیکنالوجی ءِ کارمردی ءَ چہ نزوریں مردم آنی واستہ باقاعدہ کریڈٹ ءِ رسائی ءَ را گیش کنگ ءِ امیت انت، ایشی ءَ چہ مالی شمولیت ءِ دیمروئی ءَ را مزنیں کردے پیلو کنگ بیت۔ شنگھائی ءِ بنجل ءُ نیویارک اسٹاک ایکسچینج ءِ لسٹڈ فن ووکیشنل گروپ ءِ پاکستان ءِ تہ ءَ گیشی ءِ سبب ءَ جھان ءِ سرمایہ کار آنی اعتماد ءِ درشان اِنت۔ اے دیمروئی پاکستان ءَ ڈیجیٹل فنانس، درملکی سرمایہ کاری ءُ مالیاتی شمولیت ءِ نوکیں دور ءِ بُن ھشت ایر کنگ ءَ اِنت کہ ایشی ءَ چہ ملک ءِ معیشت ءِ استحکام ءُ برجمیں دیمروئی ءَ کمک رسیت۔