مزن وزیر شہباز شریف ءِ سروکی ءَ پاکستان ءَ مدام امن، گپ ءُ تران ءُ سفارتی گیواری ءِ اولی ترجی داتگ، دانیال چوہدری

راولپنڈی۔29مارچ (اے پی پی): وفاقی پارلیمانی سیکرٹری برائے انفارمیشن اینڈ براڈکاسٹنگ بیرسٹر دانیال چوہدری ءَ گوشت کہ پاکستان ءِ نائب مزن وزیر ءُ دری کارانی وزیر اسحاق دار ءُ سعودی عرب، مصر ءُ ترکی ءِ دری کارانی وزیر آنی نیام ءَ اسلام آباد ءَ ھاسیں مشاورتی دیوان ءِ تہ ءَ میاں اوستمانی تک ءَ جاری دیمروئی ءِ جیڈھ ءَ را کم کنگ ءِ ھاترا وش اتک کنگ بیت۔ یک بیانے ءِ تہ ئَ آئی ئَ گوشت کہ پڑ ئَ ھاسیں رنگ ئَ میاں اوستمانی تناظر ئَ امن ئُُ برجائی ءِ برجائی ءِ تہ ئَ پاکستان ءِ مرکزی کرد ستا کرز انت۔ آئی ءَ گوشت کہ سئے ھاسیں ملک آنی دری کارانی وزیر آناں یک پلیٹ فارم ءِ سر ءَ یکجا کنگ ءِ واستہ پاکستان ءِ ھاسیں سفارتی کوشست ستا کرز اَنت، ایشی ءَ چہ پاکستان ءِ جوانیں دری کارانی پالیشی ءِ سر ءَ جھان ءِ دل یکیمی ءِ درشان اِنت۔ آئی ءَ گوشت کہ مزن وزیر شہباز شریف ءِ سروکی ءَ پاکستان ءَ مدام امن، گپ ءُ تران ءُ سفارتی گیواری ءَ را اولی ترجی داتگ۔ آئی ءَ گوشت کہ استیں جاور ھال آنی تہ ءَ جنگ ءِ ھلاسی دمگ ءِ جوانیں نپ آنی تہ ءَ انت رواداری ءُ برداشت دیم ءَ روگ ءِ یکیں موثریں راہ انت۔ بیرسٹر دانیال چوہدری ءَ گیش گوشت کہ پاکستان ءِ جوانیں ءُ متوازن سفارتی کرد دمگی یکوئی ءِ دیمروئی ءُ کش ءُ چیل آنی تہ ءَ کمی ءِ واستہ سک باز ارزشت داریت ءُ پاکستان حکومت دمگ ءَ دائمی امن ءِ برجائی ءِ واستہ وتی کوشست آناں برجاہ دار ایت۔