اسلام آباد۔29مارچ (اے پی پی): مزن وزیر محمد شہباز شریف ءَ سعودی عرب ءِ گوما وتی بے دروریں یکوئی ءُ کمک ءِ پدر کنگ ءِ وھد ءَ گوستگیں جیڈھ آنی وھد ءَ سعودی عرب ءِ غیر معمولی تحمل ءِ ساڑاتگ ءُ دل یکیمی داتگ کہ پاکستان مدام سعودی عرب ءِ گوما اوشتات کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ سعودی …
سعودی ءِ دری کارانی وزیر ءَ مزن وزیر ءَ گوں گند ءُ نند کت پاکستان مدام سعودی عرب ءِ گوما اوشتات کنت، شہباز شریف
گیشتریں ھال
اسلام آباد۔29مارچ (اے پی پی): مزن وزیر محمد شہباز شریف ءَ سعودی عرب ءِ گوما وتی بے دروریں یکوئی ءُ کمک ءِ پدر کنگ ءِ وھد ءَ گوستگیں جیڈھ آنی وھد ءَ سعودی عرب ءِ غیر معمولی تحمل ءِ ساڑاتگ ءُ دل یکیمی داتگ کہ پاکستان مدام سعودی عرب ءِ گوما اوشتات کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ سعودی ءِ دری کارانی وزیر شہزادہ فیصل بن فرحان ءَ یک شمبے ءِ روچ ءَ مزن وزیر گس ءَ مزن وزیر محمد شہباز شریف ءَ گوں گند ءُ نند کت۔ اے موہ ءِ سر ءَ نائب مزن وزیر ءُ درئی کارانی وزیر سینیٹر محمد اسحاق ڈار، راجی سلامتی ءِ مشیر لیفٹیننٹ جنرل محمد عاصم ملک ءُ مزن وزیر ءِ ھاسیں کمکار طارق فاطمی ھم ساڑی اتنت۔ اے دیوان وش ءُ دوستیں چاگردے ءَ بوت۔ مزن وزیر ءَ سعودی وزیر ءِ درئی کار ءَ را گرمیں وش اتک کت ءُ دو مقدس مسیت آنی نگہبان شاہ سلمان بن عبدالعزیز السعود ءِ نیکیں واھگ آنی درشان کت، ھمے وھد ءَ ولی عہد ءُ مزن وزیر شہزادہ محمد بن سلمان بن عبدالعزیز السعود ءِ ھم نیکیں واھگ آنی سر ءَ سر کت۔ مزن وزیر ءَ سعودی عرب ءِ واستہ پاکستان ءِ سرجمیں ءُ بے دروریں یکوئی ءُ کمک ءِ یک رندے پدر کنان ءَ سعودی عرب ءِ نیمگ ءَ استیں بحران ءِ وھد ءَ پیش داشتگیں غیر معمولی تحمل ءِ ساڑات ءُ دل یکیمی دات کہ پاکستان مدام سعودی عرب ءِ گوما اوشتات کنت۔ مزن وزیر ءَ ولی عہد ءِ گوما وتی گوستگیں گپ ءُ تران ءِ حوالہ دات، ایشی ءِ تہا 12مارچ ءَ جدہ ءَ گند ءُ نند ہم ہوار ات۔آئی ءَ سعودی دری کارانی وزیر ءَ را استیں بحران ءِ وھد ءَ پاکستان ءِ سفارتی کوشست آنی بابت ءَ سرپدی دات، ایشی ءِ تہ ءَ کش ءُ چیل ءِ ھلاسی ءُ امریکہ ءُ ایران ءَ را گپ ءُ تران ءِ میز ءِ سر ءَ آرگ ءِ کوشست ھوار انت۔ مزن وزیر ءَ مسلم امت ءِ تہ ءَ سعودی عرب ءِ سروکی کرد ءِ سر ءَ زور پر دیان ءَ اے نازرکیں وھد ءَ اسلامی ملک آنی نیام ءَ یکوئی ءِ ضلورت ءِ سر ءَ زور پر دات۔ سعودی دری کارانی وزیر ءَ مزن وزیر ءِ شگر ءُ منت گپت ءُ خطہ ءِ جاور ھال آنی بابت ءَ سعودی عرب ءِ موقف ءِ بابت ءَ سرپد کت۔ پاکستان ءُ سعودی عرب ءَ پڑ ءَ امن ءُ ایمنی ءِ واستہ وتی یکجائی کوشست ءُ نزیکیں رابطہ کاری ءَ برجاہ دارگ ءِ سرا تپاک کتگ۔
