قطبی بلوچستان نا حساس علاقہ غاتیٹی دشمن تا کنڈ آن دراندازی و ڈغاری جلہو نا کوشست ءِ سکیورٹی فورس آک بے سہب کریر، ڈاکٹر طارق فضل چوہدری

اسلام آباد۔ 03مارچ (اے پی پی) بنجائی وزیرِ پارلیمانی امور ڈاکٹر طارق فضل چوہدری پارینے کہ قطبی بلوچستان نا حساس علاقہ قلعہ سیف اللہ، نوشکے و چمن اٹی دشمن نا کنڈ آن جلہو (دراندازی) و ڈغاری جلہو نا گندہ ءُ کوشست اس کننگا، ولے پاکستان نا دلیر سکیورٹی فورس آک وخت آ کارروائی کرسا غٹ جلہو آتے بے سہب کریر۔سے شنبے نا دے آراجی رابطہ نا ویب سائٹ "ایکس” آ تینا اسہ بیان اسے ٹی او پارے کہ ورندی کارروائی ٹی درزن آ دہشت گرد آک تینا انجام اسکان سرمسر وخت اس کہ چندیک ٹھپی مرسا نرنگ آ بیوس مسر ۔ ہندا وڑ خیبر پختونخوا ٹی ہم دہشت گردی نا اسہ پین کوشست اسے بے سہب کرسا بھلو کچ اسے ٹی شدت پسند آتے خلنگا۔او پارے کہ دا کارروائیک دا ہیت انا نمان ءُ شاہدی اسے ءُ کہ ننا فوج ہر ساہت چوکس، کسبی و لمہ وطن نا رکّھ اکن ہر وخت تیار ءِ، دشمن چائے ہراکہ  دروشم اٹ برے، اودے ہر پڑآ عبرتناک شکست تون مون تروئی تمک۔ او پارے کہ ایف سی بلوچستان نا او بہادر سپاہی ءِ سلام پیش کینہ ہرا وطن نا رکّھ اکن تینا جان ءِ ندر کرے، شہید آک ننا طاقت و عزم انا نشان ءُ۔ بنجائی وزیر پارے کہ پاکستان نا سیمک رکھوک ءُ، قوم تینا فوج اتون اوار سلوک ءِ و امن نا دشمن کن دا ڈغار آ ہچ ءُ جاگہ اس اف۔