حب۔ 03 مارچ (اے پی پی) ڈسٹرکٹ حب شار اٹی ہتم نا موسم نا بناء تون اوار ڈپٹی کمشنر حب اسماعیل ابراہیم بلوچ ہتم نا نیال اس خلسا شجرکاری مہم نا باقاعدہ بناءِ کرے۔ دا وخت آ چیئرمین ڈسٹرکٹ کونسل حب جاوید جمالی، ڈی ایف او محمود حیات، ایف سی میجر ماجد حسین، ڈی ایس پی حب و ایلو ہندی راہشونک ہم نیال خلسا شجرکاری مہم نا بناءِ کریر۔او …
ڈپٹی کمشنر حب ہتم نا نیال اس خلسا شجرکاری مہم نا باقاعدہ بناءِ کرے
حب۔ 03 مارچ (اے پی پی) ڈسٹرکٹ حب شار اٹی ہتم نا موسم نا بناء تون اوار ڈپٹی کمشنر حب اسماعیل ابراہیم بلوچ ہتم نا نیال اس خلسا شجرکاری مہم نا باقاعدہ بناءِ کرے۔ دا وخت آ چیئرمین ڈسٹرکٹ کونسل حب جاوید جمالی، ڈی ایف او محمود حیات، ایف سی میجر ماجد حسین، ڈی ایس پی حب و ایلو ہندی راہشونک ہم نیال خلسا شجرکاری مہم نا بناءِ کریر۔او گپ و تران کرسا پاریر کہ ڈسٹرکٹ حب ءِ خَرُن (سرسبز) کننگ نا عزم ءِ کرینن و چاگڑدی رکھ انا اہمیت آ زور شاغار۔ دا شجرکاری مہم نا رِد اٹ چندی علاقہ غاتیٹی نیال خلنگک ، ہرافتے ٹی ڈسٹرکٹ حب انا چندی سرکاری ادارہ غاک، اسکول، حب ڈیم، ہائیٹ ایریا انڈسٹریل ایریا و ماربل سٹی انڈسٹریل ایریہ غاک اوار ءُ۔ گڑاس نیال حب شار و تحصیل وندر شار انا نا بزغرآتے ہم تننگک۔دا مہم چاگڑدی کچٹی (ماحولیاتی آلودگی) ءِ کم کننگ و سبز پاکستان جوڑ کننگ کن بناء کننگانے۔ دا وخت آ ڈپٹی کمشنر حب پارے کہ درخت خلنگ صدقہ جاریہ ءِ و چاگڑدی رکھ اکن المیءِ ۔
