قومی اسمبلی و سینیٹ نا دیوان اینو (سے شنبے نادے آ ) مریرہ، 153 ٹک آتیا تالان ایجنڈا جاری

اسلام آباد۔ 03مارچ (اے پی پی) پارلیمنٹ نا ہڑتوم آ ایوان قومی اسمبلی و سینیٹ نا اہم دیوان اینو (سے شنبے نادے آ ) پارلیمنٹ ہاؤس اٹی مریرہ، ہرافتے کن جم وڑاٹ 153 ٹک آتیا تالان اسہ بھلو ایجنڈا اس جاری کننگانے۔ قومی اسمبلی نا دیوان پیشیم نا 3:00 بجہ غا سپیکر قومی اسمبلی نا کماشی ٹی و سینیٹ نا دیوان سہب انا 11:30 بجہ غا چیئرمین سینیٹ نا کماشی ٹی بناء کیک ۔قومی اسمبلی ٹی کانود سازی، السی ویل و پالیسی سازی نا بابت اہم ٹک آتیا ہیت و گپ مریک۔ دافتے ٹی ملک اٹی اسہ ملین آن زیات بندغ آتا ایچ پی ویو ہیپاٹائٹس ڈیلیٹ وائرس (HDV) آن زہمی مننگ نا باندات آوزیرِ جان جوڑی نا چکار ءِ کرفنگک ۔ دستور اٹی ترمیم (آرٹیکل 24 و 228)، جعلی کرنسی نا توننگ کن اتھارٹی نا جوڑ کننگ و بنجائی نظامتِ تعلیم نا ملازم آتا یکجا کننگ نا بابت بل درستی راستی کرفنگک ۔راول انٹرنیشنل یونیورسٹی، اسلام آباد کیپیٹل ٹیریٹری چیریٹیز رجسٹریشن و موٹر وہیکلز آرڈیننس اٹی ترمیم آتون اوار چندی بل آتا منظوری و غور کننگ نا تحریک آک پیش مریرہ۔ مچ آ ملک اٹی نسخان دہ چربی والا تیل آ پابندی، نیاڑی تا فیصلہ سازی ٹی بشخ ہلنگ ، سرکاری اُراتامیرٹ آ الاٹمنٹ و ماڑی تا فائر سیفٹی آڈٹ نا بابت قرارداد آک ایجنڈا ٹی اوار ءُ۔ بجلی نا لوڈشیڈنگ، حکومت نا زرگزران نا پالیسی و ٹیکسلا روٹ آ الیکٹرک بس آتا شیڈول نا بابت شرہ کننگک ۔سینیٹ نا دیوان اٹی کانود سازی و قومی اہمیت نا باندات آتیا چکار کننگک ۔ وزیرِ داخلہ نادرا آرڈیننس 2000 اٹی پین ترمیم نا بل پیش کیک۔ الدانش یونیورسٹی اسلام آباد نا جوڑ کننگ نا بل ءِ ہم منظوری کن پیش کننگک ۔ تعلیمی ادارہ غاتا جوڑ کننگ، پی ایم ڈی سی ایکٹ اٹی ترمیم و آئین نا آرٹیکل 62، 153 و 228 اٹی ترمیم نا بابت قائمہ کمیٹی تا رپورٹ آک ایوان اٹی پیش مریرہ۔فیڈرل پبلک سروس کمیشن (ترمیم) بل و اسلام آباد انٹرنیشنل یونیورسٹی پاکستان بل درستی راستی کرفنگ نا تحریک آک پیش مریرہ۔ گیس سیکٹر نا 3.2 ٹریلین روپئی نا گردشی وام و جہانی کہول آ پاکستان نا زرکاری نا رینکنگآ شرہ ، داکان بیدس قومی ہاکی ٹیم نا آسٹریلیا نا دورہ ٹی انتظامی ویل آتیا ہم چکار کرفنگک ۔