اسلام آباد۔ 2 مارچ (اے پی پی): تہی کارانی وزیر محسن نقوی ءِ پنت ءُ شون ءِ پد ءَ تہی کارانی وزیر طلال چوہدری ءَ ریڈ زون ءِ تر ءُ تاب کتگ۔ چیف کمشنر آئی جی، ڈپٹی کمشنر اسلام آباد ءُ اے دگہ مزنیں افسر ھم آئی ءِ ھمراہ بوتگ اَنت۔ وزیر مملکت ءَ پارلیمنٹ گس، ڈپلومیٹک انکلیو ءُ ریڈ زون ءِ سیکورٹی بندوبست آنی سر ءَ سرجمیں رنگ ءَ …
وزیر مملکت داخلہ طلال چوہدری ءِ ریڈ زون ءِ تر ءُ تاب
اسلام آباد۔ 2 مارچ (اے پی پی): تہی کارانی وزیر محسن نقوی ءِ پنت ءُ شون ءِ پد ءَ تہی کارانی وزیر طلال چوہدری ءَ ریڈ زون ءِ تر ءُ تاب کتگ۔ چیف کمشنر آئی جی، ڈپٹی کمشنر اسلام آباد ءُ اے دگہ مزنیں افسر ھم آئی ءِ ھمراہ بوتگ اَنت۔ وزیر مملکت ءَ پارلیمنٹ گس، ڈپلومیٹک انکلیو ءُ ریڈ زون ءِ سیکورٹی بندوبست آنی سر ءَ سرجمیں رنگ ءَ چار ءُ تپاسی کتگ۔ آئی ءَ ڈیوٹی ءِ سر ءَ نشتگیں افسر ءُُ کارندہ آں گوں گند ءُ نند کتگ ءُ سیکورٹی ءِ بندوبست آنی پٹ ءُ پول کتگ۔ طلال چوہدری ءَ سپاھیگ آں وتی فرض جوانیں رنگ ءَ پیلو کنگ ءِ توسیپ کت۔ آئی جی اسلام آباد پولیس علی نصیر رضوی ءَ وزیر مملکت ءَ را سرجمیں سیکورٹی ءِ جاور ھال آنی بابت ءَ سرپد کت۔ وزیر ءِ مملکت طلال چوہدری ءَ گوشت کہ اسلام آباد ءِ جاور ھال سرجمی ءَ نارمل ءُ پرامن اَنت، اسلام آباد ءَ سرکاری ءُ نجی ادارگ ھمک روچ ءِ رنگ ءَ پچ اَنت، شہری آنی جان ءُ مال ءِ رکھینگ ءِ واستہ ھمک المی گامگیج دل یکیمی کنگ بوھگ ءَ اَنت، الس ءَ را سیکورٹی فورسز ءِ گوما سرجمی ءَ کمک کنگی اِنت۔
