کوئٹہ ۔ 02 مارچ (اے پی پی ) وزیراعلیٰ بلوچستان میر سرفراز بگٹی پارینے کہ بلوچ دودوربیدہ ننا شناخت ، روایت و عظیم تاریخی میرات نا امین ءِ، پاکستان نا ہر صوبہ نا دودوربیدہ شرف نا قابل ءِ و بلوچ دودوربیدہ دا قومی گلدستہ نا روشنا رنگ ءِ، داخیال آتا درشانی ءِ دوشنبے نادے آ وزیراعلیٰ بلوچستان میر سرفراز بگٹی بلوچ کلچر ڈے انا بابت تینا اسہ کلہو اسے …
وزیراعلیٰ بلوچستان میر سرفراز بگٹی نا بلوچ کلچر ڈے انا وخت آ کلہو
کوئٹہ ۔ 02 مارچ (اے پی پی ) وزیراعلیٰ بلوچستان میر سرفراز بگٹی پارینے کہ بلوچ دودوربیدہ ننا شناخت ، روایت و عظیم تاریخی میرات نا امین ءِ، پاکستان نا ہر صوبہ نا دودوربیدہ شرف نا قابل ءِ و بلوچ دودوربیدہ دا قومی گلدستہ نا روشنا رنگ ءِ، داخیال آتا درشانی ءِ دوشنبے نادے آ وزیراعلیٰ بلوچستان میر سرفراز بگٹی بلوچ کلچر ڈے انا بابت تینا اسہ کلہو اسے ٹی پارے۔ اوپارے کہ ورناچین ءِ تینا تاریخی و دودو ربیدہ ئی میرات آن روشناس کرفنگ وخت انا اہم گرج ءِ، بلوچ قوم لاحاصل ءُ جنگ اسے نا بایدے بشخ جوڑ مف ، قومی شونداری ، امن و سوگوی ہی ننا کسر ءِ، اوپارے کہ بلوچ ورناک علم و پٹ وپول ءِ تینا شعار جوڑ کیر و تعلیم ءِ تینا اولیت گوندر، آرٹیفیشل انٹیلی جنس آ تالان پوسکن آ دور انا جہانی دوڑاٹی بلوچ ورناک تینا لائخی تیان نمان ءُ ہنداس دوئی کیر ۔ وزیراعلیٰ بلوچستان میر سرفراز بگٹی پارے کہ حکومت بلوچستان بلوچ ورناتیکن آکسفورڈ و ہارورڈ تون اوار دنیا نا 200 جہانی جامعہ غاتا درگہ غاتے ملانے۔
