حب۔ 02 مارچ (اے پی پی) ایس ایس پی ڈسٹرکٹ حب محمد علی بلوچ تینا عہدہ نا چارج ءِ سنبھالسا اینو باقاعدہ کاریم نا بناءِ کرینے۔ ڈسٹرکٹ حب انا لس مخلوق نا کنڈ آن ایس ایس پی حب ءِ چارج ءِ سنبھالسا است انا ہب اٹ مبارکبادی تسر و نیک است خواہی نا درشانی ءِ کریر ۔ اوفتے دا اُمیت ارے کہ او ڈسٹرکٹ حب اٹی امن برقرار تخنگ …
ایس ایس پی ڈسٹرکٹ حب محمد علی بلوچ تینا عہدہ نا چارج ءِ سنبھالسا اینو باقاعدہ کاریم نا بناءِ کرے
حب۔ 02 مارچ (اے پی پی) ایس ایس پی ڈسٹرکٹ حب محمد علی بلوچ تینا عہدہ نا چارج ءِ سنبھالسا اینو باقاعدہ کاریم نا بناءِ کرینے۔ ڈسٹرکٹ حب انا لس مخلوق نا کنڈ آن ایس ایس پی حب ءِ چارج ءِ سنبھالسا است انا ہب اٹ مبارکبادی تسر و نیک است خواہی نا درشانی ءِ کریر ۔ اوفتے دا اُمیت ارے کہ او ڈسٹرکٹ حب اٹی امن برقرار تخنگ تون اوار مخلوق نا راجی آسودہی نا ودکی و السی باندات آتا ایسر ی کن غٹ لائخی تے کاریم اٹ اتیک ۔ایس ایس پی ڈسٹرکٹ حب محمد علی بلوچ تینا ماتحت عملہ ءِ ترندی اٹ پارت جاری کرے کہ نئے بیرہ تینا فرائض منصبی ءِ جوانی اٹ سر ایتر بلکن تینا حاضری ءِ ہم پک کیر تانکہ مر مر انگا علاقہ غاتیان بروک آ مخلوق نا باندات آتے بروخت ایسر کننگ مرے۔ او تینا غٹ پامداری ءِ کاریم اٹ اتسا ڈسٹرکٹ حب اٹی امن و ایمنی ءِ برقرار تخنگ کن گام گیج کیک و عوامی باندات آتا ایسر ی کن دے و نن کوشست کیک ۔ایس ایس پی حب محمد علی بلوچ دا وخت آ ہیت کرسا پارے کہ ڈسٹرکٹ مچ آ حب اٹی امن و ایمنی ءِ برقرار تخنگ محکمہ پولیس وکنا اولیت آتیٹی اوار ءِ، ہراٹی میرٹ نا مون آ دننگ اولیت مریک۔ ڈسٹرکٹ حب انا مخلوق ءِ ساڑی آ آسراتی تیان ہروڑریلیف فراوان کینہ الس نا راجی آسودہی کن ہرممکن وسیلہ غاتیان پبی فائدہ ہرفنگک ۔
