لبنان آ اسرائیلی فضائی جلہو آتیٹی 31 بندغ زوال، 149 ٹھپی ، کویت اٹی امریکی جنگی جہاز اس تمسا بھس

بیروت۔ 02 مارچ (اے پی پی) لبنان آ اسرائیلی فضائی جلہو آتیٹی 31 بندغ زوال و 149 ٹھپی مسنو۔ وخت اس کہ کویت اٹی اسہ امریکی جنگی جہاز اس تمسا بھس مس ۔ شنہوا نا رداٹ، لبنان نا وزارتِ جان جوڑی پارے کہ اسرائیل بیروت نا سویلی کیبی علاقہ و سویلی لبنان نا علاقہ غاتیٹی فضائی جلہوکرے ہرافتے ٹی داتم اسکان 31 بندغ زوال وخت اس کہ 149 ٹھپی مسنو ۔  وزارت نا بیان نا رداٹ ٹھپی مروک آتے خڑک انا ہسپتال آتیا سر کننگانے و کمکی کارروائیک برجاء ءُ۔ایلو کنڈ آ، کویت اٹی اسہ امریکی جنگی جہاز اس تمسا بھس مس ۔ روسی میڈیا نا رداٹ، جہاز انا تمنگ امریکہ و کویت نا کنڈآن داسکان پک کننگتنے  ولے امریکی F-15 جہاز انا پائلٹ تینے ایجیکٹ کننگ اٹی سرسہب مس، ولے اودے ٹھپی  حالیت اٹی ہسپتال آ سر کننگانے۔ سوشل میڈیا غا وائرل مروک آ ویڈیوز آتیٹی جہاز آن خاخر نا شعلہ غاتے پیش تمنگ اٹی ہُننگ مریک۔ یات سلے کہ دا باندات نا بابت امریکہ یا کویت نا کمامدار آتا کنڈ آن داسکان ہچ ءُ باقاعدہ تصدیق اس متنے۔