مزن وزیر شہباز شریف ءَ عمان ءِ سلطان ہیثم  بن طارق ءَ گوں فون ءِ سر ءَ گپ ءُ تران کنان ءَ دمگ ءَ گیشیں کش ءُ چیل ءِ گر ءُ دار ءِ واستہ سفارتی کوشست آناں زوت پدا بندات کنگ ءِ ضلورت ءِ سر ءَ زور

اسلام آباد۔2مارچ  (اے پی پی): مزن وزیر محمد شہباز شریف ءَ دمگ ءَ گیش کش ءُ چیل ءِ گر ءُ دار ءِ واستہ سفارتی کوشست آناں ترندیں رنگ ءَ بندات کنگ ءِ ضلورت ءِ سر ءَ زور پر دات۔ مزن وزیر محمد شہباز شریف ءَ سئے شمبے ءِ روچ ءَ عمان ءِ سلطان ہیثم  بن طارق ءَ گوں فون ءِ سر ءَ گپ ءُ تران کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دوئیں سروک آنی نیام ءَ ایران ءِ سر ءَ اسرائیل ءِ اُرش ءِ پد ءَ دمگی جاور ھال آنی ھراب بوھگ ءِ سر ءَ ھیال ءُ لیکہ ءِ درشان کنگ بوتگ کہ ایشی ءَ چہ سرجمیں دمگ ءِ امن ءُ ایمنی ءَ را ھترہ ءِ تہ ءَ داتگ۔ مزن وزیر ءَ گوشت کہ اے کش ءُ چیل ھما وھد ءَ اتکگ کہ امریکہ ایران ءُ ایران ءِ کش ءُ چیل ءِ ھلاسی ءِ واستہ سفارتی کوشست کنگ ءَ انت، ایشی ءِ تہ ءَ عمان ءَ سرگرمیں کرد پیلو کتگ۔ اے اُرشاں نہ ایوک ءَ ھاسیں سفارتی کوشست چہ ریل ءَ کش اِتگ اَنت بلکیں دمگ ءَ گپ ءُ تران ءِ دیمروئی ءُ کش ءُ چیل ءِ کم کنگ ءِ کوشست ھم ھراب کتگ اَنت۔ ایشاں گیشیں زوال ءِ گر ءُ دار ءُ سفارتی کوشست آناں زوت بندات کنگ ءِ ضلورت ءِ سر ءَ زور پر دات۔ مزن وزیر ءَ عمان ءِ میانجی داری ءِ کرد ءِ توسیپ کنان ءَ سلطان ہاشمی بن طارق ءِ توسیپ کت کہ آ دمگی ءُ میاں اوستمانی سٹیک ہولڈر آنی نیام ءَ گپ ءُ تران ءِ آسراتی ءُ اعتماد ءِ جوڑ کنگ ءِ واستہ مسقط ءِ کوشست آنی توسیپ کت۔ آئی ءَ عمان ءِ متوازن سفارتکاری ءَ را دمگی استحکام ءِ واستہ سک باز المی لیک اتگ۔ دوئیں رہشون آنی تہ ءَ امن ءِ بحالی ءُ دائمی دمگی استحکام ءِ تہ ءَ کمک کنگ ءِ واستہ نزیکیں رابطہ آناں برجاہ دارگ ءُ سفارتی کوشست آناں کمک کنگ ءِ سر ءَ تپاک کتگ۔