وفاقی دارالحکومت ءَ گوات ءِ آلودگی ءِ ھلاپ ءَ جنگ ءُ گوات ءِ کوالٹی ءِ انڈیکس ءَ را گہتر کنگ ءِ ھاتر ءَ یک مربوط ءُ جامع حکمت عملی ءِ زورگ ءِ سر ءَ زور دیگ بیت

اسلام آباد۔2مارچ  (اے پی پی): وفاقی دارالحکومت ءَ گوات ءِ آلودگی ءِ ھلاپ ءَ جنگ ءُ گوات ءِ کوالٹی ءِ انڈیکس ءَ را گہتر کنگ ءِ ھاترا یک ھمگرنچ ءُ جامع حکمت عملی ءِ زورگ ءِ سر ءَ زور دیگ بوتگ۔ حکام ءِ رد ءَ اسلام آباد ءَ گیش بوھوکیں ھوا ءِ آلودگی ءَ گوں جوانیں رنگ ءَ گر ءُ چیل بوھگ ءِ واستہ جتا جتائیں شوبگ آنی تہ ءَ عملی گامگیج آنی تہ ءَ ترندی کنگ بوتگ۔ سی ڈی اے چاگرد دوستیں ٹرانسپورٹ ءِ دیمروئی ءِ سر ءَ ھاسیں دلگوشی دیگ ءَ اِنت۔ اے درگت ءَ الیکٹرک گاڑی آنی دلبڈی، چارجنگ انفراسٹرکچر ءِ تہ ءَ گیشی ءُ کاربن ءِ کشگ ءَ را کم کنگ ءِ گامگیج آنی سر ءَ پیشرفت کنگ بوھگ ءَ اِنت۔ وسیلگ ءِ رد ءَ گاڑی آنی کشگ ءِ باقاعدہ معائنہ ءُ نوکیں نگرانی ءِ نظام ءِ ایر کنگ ءِ وسیلگ ءَ گوات ءِ کوالٹی ءِ مستندیں ڈیٹا ءِ رسگ ءَ را ھم دل یکیمی کنگ بوھگ ءَ اِنت۔ وسیلگ ءِ گشگ انت کہ نیشنل کلین ایئر پالیسی ءِ رد ءَ وفاقی دارالحکومت ءِ واستہ یک جامع ءُ کارروائی ءِ لائکیں ایکشن پلان ءِ تیار کنگ ءِ سر ءَ تپاک کنگ بوتگ۔ پیشکش کتگیں منصوبگ ءِ تہ ءَ ٹرانسپورٹ، صنعتی کاروائی، گند ءُ نند ءِ پچیں سوتکگ ءُ کشت ءُ کشاری سبب آنی سبب ءَ آلودگی ءِ گر ءُ دار ءَ را اولیت دیگ بیت۔ ماہرین ءِ گشگ انت کہ اگاں اے گامگیج آنی سر ءَ جوانیں رنگ ءَ عمل کنگ بہ بیت گڑا آیوکیں سال آنی تہ ءَ اسلام آباد ءِ ھوا ءِ کوالٹی ءِ انڈیکس ءَ مزنیں گہتری ءِ گمان اِنت کہ ایشی ءَ چہ شہری آنی جان سلامتی ءُ زندمان ءِ کوالٹی ءِ سر ءَ جوانیں اثر کپ ایت۔ دومی نیمگ ءَ وزارت جان سلامتی ءِ نیمگ ءَ 3 ءَ بگر داں 5 مارچ ءَ الرجی کیمپ ءِ بندوبست کنگ بیت تانکہ پولن الرجی ءِ گر ءُ دار کنگ بہ بیت۔ کیمپ ءِ وھد ءَ شہری آناں مفت طبی چکاس، درمان ءُ ھاسیں ڈاکٹرانی گوما شور ءُ سلاھ ھم دیگ بیت۔