اگاں لوٹ بوت گڑا ایران ءِ ھلاپ ءَ آپریشن 4 ءَ بگر داں 5 ھپتگ ءَ برجاہ بوت کن اَنت،  امریکی صدر

واشنگٹن ۔2مارچ  (اے پی پی): امریکی صدر ڈونلڈ ٹرمپ ءَ گشتگ کہ ایران ءِ ھلاپ ءَ آپریشن اگاں ضلورت بوت گڈا 4 تاں 5 ہفتگ ءَ برجاہ بوت کنت، آئی ءَ گشتگ کہ منی ھیال ءَ ایران ءِ سروکی ءِ ھاتر ءَ سئے جوانیں امید وار است انت۔ بی بی سی ءِ رد ءَ نیویارک ٹائمز ءَ گوں تران کنان ءَ آئی ءَ وینزویلا ءِ مثال داتگ کہ اودا پیسریگیں صدر نکولس مادورو گپتگ ءُ امریکہ ءَ آرگ بوتگ۔ بزاں ونزوئلا ءَ صدر ءِ کشگ ءَ پد ھم سرکار بدل نہ بوت ءُ بوت کنت ایران ءَ ھمے وڑ کنگ بہ بیت۔ امریکہ ءِ صدر ءَ گشتگ امریکہ ءُ اسرائیل ایران ءِ سرا ہمے شدت ءَ چار ءُ پنچ ہفتگ ءَ ارش ءَ برجاہ داشت کن انت۔ آئی ئَ گوشت کہ مشکل نہ بیت۔ مئے کرّا مزنیں کساسے ءَ سلاہ ھست کہ آ دگنیا ءِ جتا جتائیں ملکاں ھست اَنت۔ امریکی صدر ءَ گیش کرتگ کہ ایران ءِ سروکی ءِ ھاترا آئی ءِ گور ءَ سئے جوانیں اُمیت وار اَنت بلے آئی ءَ کس ءِ نام نہ گپتگ۔ ٹرمپ ءَ اے جُست ءِ پسو نہ داتگ کہ آیا لاریجانی ایران ءِ سرکار ءِ نوکیں سروک بیت یا نہ۔ ایران ءِ تہا اقتدار ءِ دیم دیگ ءِ بابت ءَ جست کنگ ءَ آئی ءَ گشتگ کہ ایران ءِ فوجی سروکی ءَ گواتر گارڈ انقلابی ٹولی ہم ایران ءِ مہلوک ءِ دیم ءَ تسلیم بنت۔ امریکی صدر ءَ گشتگ کہ ما وینزویلا ءَ چے کتگ منی ھیال ءَ اے شرتریں جاور انت۔ آئی ءَ اے گپ ءِ توجیل دات کہ ونزوئلا ءَ ھما کار کہ بوتگ ایران ءَ ھم کار کنت ءُ دو مردم ءَ ابید درست وتی جاہ ءَ مانیت۔ ٹرمپ ءَ ایران ءِ سروکی ءِ ھاترا سئے جوانیں اُمیت وارانی نام گرگ ءَ پد اے گپ ءِ ھم امکان درشان کتگ کہ ایران ءِ راج انوگیں سرکار ءَ چہ وتی سرکار ءَ کشّ اِیت۔ آئی ءَ گوشت کہ من بازیں سالاں چہ اے بابت ءَ گپ کنگ ءَ آں نوں آھاں اے موہ رستگ۔ آئی ءَ گوشت کہ منی ھیال ءَ خلیج فارس ءِ عرب ریاست آناں ایران ءِ ھلاپ ءَ امریکی اُرش آنی تہ ءَ بھر زورگ ءِ ضلورت نہ بیت۔ ٹرمپ ءَ گشتگ کہ من ءَ امیت انت کہ اگاں ایران ءِ نوکیں سروکی یک وعدہ مندیں شریک ثابت بہ بیت گڑا من ایران ءِ سرا اقتصادی پابندیاں ہلاس کت کناں۔ امریکی صدر ءَ چہ ایران ءِ راج ءِ انوگیں سرکار ءِ ھلاپ ءَ کودتا ءِ ممکنہ کوشست ءِ حمایت ءِ بابت ءَ جُست کنگ بوت کہ من ھچ وڑیں وعدہ کت نہ کناں، اے زوت اِنت۔