مزن وزیر محمد شہباز شریف ءَ دمگی ءُ پاکستان ءِ ایمنی ءِ جاور ھال ءِ چار ءُ تپاسی ءِ واستہ مزن تک ءِ دیوان ءِ سروکی ءَ کنگ ءَ انت

اسلام آباد۔ یکم مارچ (اے پی پی): یک شمبے ءِ روچ ءَ مزن وزیر محمد شہباز شریف ءِ سروکی ءَ دمگی ءُ پاکستان ءِ ایمنی ءِ جاور ھال آنی سر ءَ چار ءُ تپاسی ءِ تہ ءَ مزن تک ءِ دیوان برم ، اعظم نظیر ترار، احد خان چیما، عطا اللہ ترار، علی پرویز ملک، اسپیشل اسسٹنٹ طارق فاطمی ءُ مزنیں سول ءُ فوجی حکام ءَ بہر زرتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دیوان ءَ دمگی ءُ دمگی جاور ھال آنی سر ءَ سرجمی ءَ چار ءُ تپاسی کنگ بوت۔ گند ءُ نند ءَ پاکستان ءِ کرد ءُ دمگ ءَ امن ءِ برجائی ءِ واستہ جتاجتائیں گامگیج آنی سر ءَ ھیال ریچی کنگ بوت۔ گند ءُ نند ءَ اوگانستان ءِ جاور ھال آنی سر ءَ ھم سرجمی ءَ چار ءُ تپاس کنگ بوت۔ ملک ءِ تہی جاور ءُ ایمنی ءِ بندوبست آنی بابت ءَ ھم بریفنگ دیگ بوت۔ مزن وزیر ءِ ہدایت ءِ سرا ایران ءَ چہ پاکستانی شہری آنی در کنگ ءِ گامگیج آنی سر ءَ ھم چار ءُ تپاسی کنگ بوتگ ءُ دری کارانی کارگس ءَ آھانی سلامتیں واتر بوھگ ءِ واستہ سرجمیں بریفنگ داتگ کہ ایشی ءِ تہ ءَ گشگ بوتگ کہ ایران ءَ چہ پاکستانی شہری آنی در کنگ آذربائیجان ءِ وسیلگ ءَ ممکن کنگ بوھگ ءَ اِنت۔