مزن وزیر محمد شہباز شریف ءَ ایران ءِ سروک آیت اللہ سید علی خامنہ ای ءِ شہادت ءِ سر ءَ ایران ءِ راج ءَ گوں دلپدردی ءُ غم ءِ درشان

اسلام آباد ۔ یکم مارچ (اے پی پی): مزن وزیر محمد شہباز شریف ءَ ایران ءِ سروک آیت اللہ سید علی خامنہ ای ءِ شہادت ءِ سر ءَ ایران ءِ راج ءَ را سک باز رنج ءُ گم ءِ درشانی کتگ۔ یک شمبے ءِ روچ ءَ سوشل نیٹ ورک ویب سائٹ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ پاکستان ءِ حکومت ءُ الس اے غم ءُ غم ءِ ساھت ءَ ایرانی الس ءِ گوما اوشتاتگ ءُ آیت اللہ سید علی خامنہ ای ءِ شہادت ءِ سر ءَ دل ءِ جہلانکی ءَ دلپدردی ءِ درشان کنگ ءَ انت۔ آئی ءَ گوشت کہ پاکستان ءَ میاں اوستمانی کانود ءِ رھبند آنی ھلاپ ورزی ءِ سر ءَ ھم جوزگ ءِ درشانی کنت، اے کوھنیں روایت اِنت کہ ملک ءُ حکومت ءِ سروک نشانگ جوڑ کنگ نہ بنت۔ آئی ءَ گوشت کہ ما آیت اللہ سید علی خامنہ ای ءِ مغفرت ءِ دعا لوٹ ایں، اللہ تعالیٰ ایران ءِ اُلس ءَ را اے ناقابل برداشتیں تاوان ءِ برداشت کنگ ءِ واستہ صبر ءُ جرات بہ دنت۔