پاکستان ءَ وتی مذہبی ءُ دود ءُ ربیدگ ءِ تنوع ءِ سر ءَ پھر اِنت، ہندو کمیونٹی ءَ اے سال ءَ ہولی ءِ میلہ ءَ گوں سادگی ءُ احتیاط ءَ برجم دارگی اِنت، صدر آصف علی زرداری

اسلام آباد – یکم مارچ( اے پی پی):  صدر آصف علی زرداری ءَ پاکستان ءِ مغربی سیمسر ءِ سر ءَ برجاھیں جاور ھال ءُ گیشیں دمگی کش ءُ چیل آنی رد ءَ اے سال ءَ ھولی ءِ میلہ ءَ را سادگی ءُ احتیاط ءِ گوما برجم دارگ ءِ سر ءَ زور پر داتگ۔ صدر ءِ مملکت ءَ گوشت کہ پاکستان ءَ وتی مذھبی ءُ دود ءُ ربیدگی تپاوت ءِ سر ءَ پھر اِنت، البت استیں جاور ھال اعتدال پسندی ءُ ھیال داری ءِ لوٹ ءَ کن اَنت۔ آئی ءَ اپیل کت کہ ایمنی ءِ چاگرد ءُ راجی یکوئی ءِ ضلورت ءَ را ھیال ءَ دارگ ءَ لس مراگش ءُ مزنیں مچی آناں کم کنگ بہ بیت۔ صدر ءِ مملکت ءِ کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ ہولی ءِ موہ ءَ ہندو کمیونٹی ءَ را نیکیں واھگ آنی درشان کنگ ءِ ساھت ءَ اے اُمیت ءِ درشان کت کہ اے میلہ امن، وت مہ وتی ءُ راجی یکوئی ءِ جذبہ ءِ گوما برجم دارگ بیت۔