اوگانستان ءِ ھلاپ ءَ آپریشن بند کنگ ءِ بابت ءَ دروگیں، من گھڑتیں ھال رسانکدر ءَ شنگ کنگ بوھگ ءَ اَنت، طارق فضل چوہدری

اسلام آباد۔ یکم مارچ (اے پی پی): وفاقی وزیر برائے پارلیمانی کار ڈاکٹر طارق فضل چوہدری ءَ گشتگ کہ سوشل میڈیا ءِ سرا دروگیں ءُ جوڑ کتگیں ھال شنگ کنگ بوھگ ءَ انت کہ پاکستان ءَ اوگانستان ءِ ھلاپ ءَ وتی آپریشن بند کتگ بلے حقیقت ایشی ءِ برعکس انت۔ یک شمبے ءِ روچ ءَ سوشل نیٹ ورکنگ ویب سائٹ ٹویٹر ءِ سر ءَ وتی پوسٹ ءِ تہ ءَ وفاقی وزیر ءَ گوشت کہ استیں دمگی جاور آنی رد ءَ پی اے ایف ءُُ ڈرون فوٹیج آنی تہ ءَ میڈیا ءَ گوں شیئر کنگ ءَ را ایوک ءَ موقتی رنگ ءَ بند کنگ بوتگ۔ اے پیسلہ ءِ مول ءُ مراد راجی ایمنی ءُ آپریشنل سٹرٹیجی ءِ رکھینگ اِنت ءُ آپریشن ءِ بند کنگ نہ اِنت۔ آئی ءَ گوشت کہ آپریشن انگت برجاہ انت، ناشرکاری ءِ عناصر ءِ حلاف ءَ آپریشن سرجمیں شدت ءُُ عقل ءِ گوما دیم ءَ روگ ءَ انت۔ ڈاکٹر طارق فضل چوہدری ءَ گوشت کہ سرجمیں راج پاکستانی سلاہ بندیں اُرد ءِ گوما ھمگام ءَ اوشتاتگ۔ آئی ءَ وتی ٹویٹ ءَ‎#FakeNewsAler‎#Pakistan ‎#NationalSecuritءِ ہیش ٹیگز ھم شیئر کتاں۔