وفاقی وزیر داخلہ کیپٹن (ر) محمد خرم آغا ءَ جتا جتائیں جاہاں جوڑ بوتگیں چیک پوسٹانی تر ءُ تاب کتگ

اسلام آباد۔ یکم مارچ(اے پی پی): وفاقی وزیر داخلہ کیپٹن محمد خرام آغا ءَ دارالحکومت اسلام آباد ءِ جتا جتائیں جاہ آنی سر ءَ جوڑ بوتگیں چیک پوسٹ آنی تر ءُُ تاب کت۔ اے موہ ءِ سر ءَ کیپیٹل ڈویلپمنٹ اتھارٹی ءِ چیئرمین ءُ چیف کمشنر اسلام آباد محمد علی رندھوا، انسپکٹر جنرل اسلام آباد پولیس سید علی نصیر رضوی ءُ اے دگہ سیادی داروکیں کارندہ ھم ساڑی اتنت۔ یک شمبے ءِ روچ ءَ سی ڈی اے ءِ نیمگ ءَ جاڑی بوتگیں بیان ءِ رد ءَ سی ڈی اے ءِ چیئرمین ءُُ چیف کمشنر اسلام آباد محمد علی رندھوا ءَ چیک پوسٹ آنی سر ءَ شہری آنی جان سلامتی ءِ واستہ کتگیں بندوبست ءُُ کارروائی آنی بابت ءَ سرجمیں بریفنگ داتگ ءُُ گوشت کہ دارالحکومت ءِ شہری آنی جان ءُُ مال ءِ رکھینگ ءِ واستہ سرجمیں گامگیج کنگ بوھگ ءَ انت۔ شہری آنی ایمنی ءِ ھاتر ءَ 24/7 ءِ سرجمیں چیک پوسٹ آنی سر ءَ ایر کنگ بوتگ۔ بریفنگ دیئگ ءِ وھد ءَ گوشگ بوت کہ پولیس ءِ چیک پوسٹ آنی وسیلگ ءَ وفاقی دارالحکومت اسلام آباد ءِ داخلہ ءُُ درآہگ ءِ راہ آنی سر ءَ سکیں نگرانی ءَ را دل یکیمی کنگ بوھگ ءَ انت۔ اے درگت ءَ وفاقی دارالحکومت اسلام آباد ءَ داخل بوھوکیں گاڑی ءُ موٹر سائیکل آنی چیک کنگ بوھگ ءَ اِنت تانکہ ھرچ وڑیں نا شریں وئیل ءِ دیم ءَ دارگ بہ بیت۔ بریفنگ دیئگ ءِ وھد ءَ گوشگ بوت کہ وفاقی دارالحکومت اسلام آباد ءَ داخل بوؤکیں گاڑی ءُ موٹر سائیکل آنی سر ءَ ایم ٹیگ لگائینگ ءِ کار برجمی ءَ گوں برجاہ اِنت۔ شہر ءِ درستیں چیک پوسٹ اسلام آباد سیف سٹی ءِ سی سی ٹی وی کیمرہ ءُ نوکیں ٹیکنالوجی ءِ وسیلگ ءَ رپوٹ کنگ بوھگ ءَ انت۔ اے موہ ءِ سر ءَ وفاقی وزیر داخلہ کیپٹن محمد خرم آغا ءَ پولیس ءُُ ضلعی انتظامیہ ءِ افسر آناں ہدایت کت کہ آ ہر وھد ءَ ہشیار بہ بنت ءُُ وتی پیشہ وارانہ ذمہ واری آناں سرجمی ءَ پیلو بہ کن انت۔ آئی ءَ ہدایت کت کہ وفاقی دارالحکومت اسلام آباد ءَ امن ءُُ ایمنی ءِ ھوالگ ءَ ہچ وڑیں لاپرواہی برداشت کنگ نہ بیت۔ اے موہ ءِ سر ءَ وفاقی دارالحکومت اسلام آباد ءِ امن ءُُ ایمنی ءِ جاور ھال ءَ را جوانیں ءُُ ایمن تریں شہر جوڑ کنگ ءِ جزم ءِ ھم پدا زور دیگ بوت۔