وفاقی سیکرٹری برائے داخلہ کیپٹن محمد خرم آغا ءِ سروکی ءَ دیوان ءِ سروکی کنگ ءَ انت تانکہ امن ءُ ایمنی ءِ ھاتر ءَ جوانیں بندوبست ءِ ھاتر ءَ دل یکیمی کنگ بہ بیت

اسلام آباد ۔ یکم مارچ (اے پی پی): وفاقی بنجاہی دارالحکومت اسلام آباد ءَ امن ءُ ایمنی ءِ واستہ جوانیں بندوبست ءَ را دل یکیمی کنگ ءِ واستہ وفاقی سیکرٹری برائے داخلہ کیپٹن محمد خرم آغا ءِ سروکی ءَ دیوان برجم دارگ بوتگ۔ گند ءُ نند ءَ چیئرمین کیپیٹل ڈویلپمنٹ اتھارٹی ءُ چیف کمشنر اسلام آباد محمد علی رندھوا، انسپکٹر جنرل اسلام آباد سید علی نصیر رضوی، ڈپٹی کمشنر اسلام آباد عرفان نواز میمن ءُ دگہ پولیس ءُ ضلعی انتظامیہ ءِ کارندہ آں بہر زرتگ۔ راولپنڈی، ہری پور، مری، اٹاک ءِ ڈپٹی کمشنر ءُ ڈسٹرکٹ پولیس افسراں ہم زوم ءُ ایندگر سیادی داروکیں افسر آنی وسیلگ ءَ گند ءُ نند ءَ بہر زرتگ۔ گند ءُ نند ءَ پاکستان ءَ ناجائزیں رنگ ءَ نندوکیں درملکی مردمانی حلاف ءَ کتگیں گامگیج آنی سر ءَ چار ءُ تپاسی کنگ بوتگ ایشی ءِ تہ ءَ وفاقی دارالحکومت اسلام آباد ءَ امن ءُ ایمنی ھم ھوار انت۔ یک شمبے ءِ روچ ءَ سی ڈی اے ءِ نیمگ ءَ جاڑی بوتگیں بیان ءِ رد ءَ وفاقی سیکرٹری برائے داخلہ کیپٹن (ریٹائرڈ) محمد خرم آغا ءَ گوشت کہ پاکستان ءِ حکومت ناجائزیں رنگ ءَ نندوکیں درملکی مردمانی ھلاپ ءَ کارروائی ءَ را کانود ءِ رد ءَ موثر جوڑ کنان ءَ ملک ءِ ایمنی ءُُ برجائی ءَ را دل یکیمی کنگ ءِ واستہ جزم اِنت۔ گند ءُُ نند ءَ یکیں ویزہ ءِ رژیم ءَ را سرجمی ءَ عملدرآمد کنگ ءِ پیسلہ کنگ بوت۔ یک ویزا ءِ رژیم ءِ سر ءَ عمل کنگ ءِ واستہ اوگانستان ءِ ناجائزیں نندوکیں مردمانی ھلاپ ءَ درملکی ایکٹ 1946 ءِ رد ءَ کارروائی کنگ بیت۔دیوان ءَ ناجائزیں درملکی نندوکیں درملکی مردمانی ھلاپ ءَ کنگنگ آپریشن ءَ را گیش ترند کنگ ءُُ ایشی ءِ دائرہ کار ءَ را گیش کنگ ءِ پیسلہ کنگ بوتگ۔ اے موہ ءِ سر ءَ سی ڈی اے ءِ چیئرمین ءُ چیف کمشنر اسلام آباد محمد علی رندھوا ءَ ناجائزیں رنگ ءَ نندوکیں درملکی مردمانی ھلاپ ءَ تاں انوگ ءَ چست کتگیں گامگیج آنی بابت ءَ سرپدی دات ءُ گوشت کہ ناجائزیں رنگ ءَ نندوکیں درملکی مردم آناں جاگہ ​​ءِ پھجارینگ ءِ سر ءَ زمیندار آنی ھلاپ ءَ کانودی کارروائی کنگ بوھگ ءَ اِنت۔ آئی ءَ گوشت کہ ناجائزیں رنگ ءَ نندوکیں درملکی مردم آناں کاروبار ءِ واستہ جاگہ ​​پجاری ءِ واستہ ایف آئی آر درج کنگ بوھگ ءَ انت۔ آئی ءَ گیش گوشت کہ درستیں ضلع آنی چہ واتر بوھوکیں درملکی مردمانی ڈیٹا وفاقی وزارت داخلہ ءِ مرکزی ڈیش بورڈ ءَ گوں یکجا کنگ بوتگ۔ وفاقی وزیر داخلہ کیپٹن (ریٹائرڈ) محمد خرم آغا ءَ گوشت کہ وزارت داخلہ ءِ نیمگ ءَ چہ ھچ وڑیں جاہ بدل کنگ ءِ پروگرام ءِ سر ءَ عمل کنگ نہ بوتگ۔ آئی ءَ گوشت کہ ناجائزیں رنگ ءَ نندوکیں دری مردم آناں چہ رکگ ءِ واستہ چاگرد ھم ھوار کنگ بہ بیت۔ انسپکٹر جنرل اسلام آباد سید علی نصیر رضوی ءَ گوشت کہ وفاقی دارالحکومت اسلام آباد ءَ نگہبانی کمیٹی جوڑ کنگ بوتگ انت۔ آئی ءَ گوشت کہ ایندگہ ضلع آنی افسر ھم وتی ضلع آنی تہ ءَ ناجائزیں رنگ ءَ نندوکیں دری مردمانی ھلاپ ءَ نگرانی کمیٹی جوڑ بہ کن اَنت۔ وفاقی سیکرٹری برائے داخلہ کیپٹن (ریٹائرڈ) محمد خرم آغا ءَ گوشت کہ درستیں ضلع آنی افسر وتی وتی ضلع آنی داخلہ ءُُ درآمد ءِ جاہ آنی سکیں چیکنگ ءَ را دل یکیمی بہ کن اَنت۔ آئی ءَ گوشت کہ چیکنگ ءِ واستہ پولیس ءِ کارندہ ءُُ انتظامی ءِ ساڑی ءَ را گیش کنگ بہ بیت ءُُ ھمک ھاسیں جاھ، عبادت جاہ، مسیت ءُُ ھاسیں ءُُ حساسیں ماڑی آنی سیکورٹی ءَ را گیش کنگ بہ بیت۔ انسپکٹر جنرل اسلام آباد پولیس سید علی نصیر رزوی ءَ گوشت کہ سیف سٹی کیمرہ ءُُ نوکیں ٹیکنالوجی ءِ وسیلگ ءَ مین شاہراہ، مراکز ءُُ آبادی دمگ آنی سر ءَ نگرانی ءِ واستہ میکانزم جوڑ کنگ بوتگ۔ آئی ءَ گیش کرتگ کہ مشکوکیں کار ءُ کرد ءُ مردمانی سر ءَ نزیکیں چماں دارگ ءُ آیانی سرجمیں ھال آنی سر ءَ نزیکیں چار ءُ تپاسی ءِ واستہ ڈیٹا جوڑ کنگ بوتگ۔